Регион
Давутоглу го презема лидерството на владејачката партија во Турција
Новоизбраниот турски претседател Реџеп Тајип Ердоган го предаде во средата челното место на својата исламско конзервативна Партија на правдата и развојот (АКР), што всушност значи и премиерската должност, на досегашниот шеф на дипломатијата Ахмет Давутоглу, кој вети дека ќе биде верен и доследен во спроведувањето на политиките на својот претходник и политички ментор.
На вонредниот конгрес на партијата АКР која нема изборен пораз од 2002 година, Реџеп Тајип Ердоган, кој, пак, беше премиер 11 години а во четврток треба да ја даде свечената обврска како претседател на Турција, и неговиот наследник Ахмед Давутоглу порачаа пред повеќе од 40 илјади свои приврзаници во преполната спортска сала во Анкара, дека транзицијата на власта ќе биде без никакви потреси.Давутоглу беше единствениот кандидат, а за претседател на Партијата на правдата и развојот (АКР) беше избран едногласно. За него гласаа 1.382 делегати. Во четврток тој ќе биде именуван за премиер. Ердоган, поради статусот на партијата кој не му дозволуваше нов премиерски мандат кој автоматски му припаѓа на партискиот челник, се реши да се кандидира на првите турски претседателски избори на кои шефот на државата се избираше со директно изјаснување на избирачите. Предавајќи го претседателството на партијата којашто ја основаше во 2001 година, истакна дека таа „никогаш нема да му припаѓа само на еден човек“ и дека Давутоглу нема да биде негова марионета, како што обвинуваат критичарите.„Нашата цел секогаш ги забрануваше личните амбиции, ароганцијата, омразата и љубомората. Имињата денес се менуваат, но суштината, мисијата, духот, целите и идеите остануваат“, рече Ердоган.Шеесетгодишниот Ердоган беше премиер од 2003 година, а за претседател на државата беше избран на првите директни претседателски избори на 10-ти август, кога надмоќно победи уште во првиот изборен круг освојувајќи 52 отсто од гласовите, околу 13 отсто од второпласираниот противкандидат.Педесет ипетгодишниот Давутоглу, кого некои со пиетет а некои потсмешливо го нарекуваат „турскиот Кисинџер“, како свои приоритети ги истакна парламентарните избори следната 2015 година и реформата на уставот на Турција, со коишто најверојатно ќе бидата зголемени овластувањата на шефот на државата, кои досега главно беа церемонијали. За тоа на АКР ѝ е неопходна двотретинска поддршка од пратениците, односно 367 гласови од вкупно 550-те пратенички мандати, а партијата има 313.Давутоглу, исто така, вети и дека ќе продолжи да работи на обновата на земјата започната пред 12 години , како и дека ќе му остане верен на Ердоган. „АКР е движење во коешто лојалноста трае до смртта. Меѓу рпетседателот и неговиот премиер нема да има никакви судири. Ќе ја изградиме нова Турција (што беше всушност мотото на кампањата на Ердоган) заедно“ рече Давутоглу. Тој е еден од најблиските соработници на Ердоган. Прво му беше дипломатски советник, а од 2009 година стана и министер за надворешни работи во неговиот владин кабинет Давутоглу е полиглот и се смета за творецот на новата труска дипломатија наречена „неоосманлиска“, со која Турција се сака да биде вратена на светската сцена, во прв ред на Блискиот исток, како и во сферата на влијанието на поранешното Османлиско царство, на Балканот. Според аналитичарите, билансот на оваа политика која ја опишуваат како „политика без проблеми со соседите“, не е баш најуспешна, Од ткн Арапска пролет во 2011 година, Анкара има расипани односи со Египет и Сирија, а претходно и со деценискиот стратешки воен и политички партнер на Блискиот исток – Израел./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.