Секуларизмот ќе остане во нацрт уставот којшто го изработува исламско-конзервативната влада на Турција, изјави во средата премиерот Ахмет Давутоглу, по жешката расправа која ја поттикна претседателот на парламентот изразувајќи го своето противење. 

„Во новиот устав кој го подготвуваме, ќе се наоѓа принципот на секуларизмот за да се гарантира слободата на вероисповедувањето ба граѓаните, и за да државата биде на еднаква оддалеченост од сите вери. Темелните начела на државата за на с не се тема на дискусија“, истакна премиерот Ахмет Давутоглу во говорот во Анкара.

Претходно во вторникот низ Турција се одвиваа неколку собири, од кои некои без жестоко растурени од полицијата, осудувајќи ги контроверзните изјави на претседателот на парламентот Исмаил Кахраман кои се зазема за „религиозен устав“. Кахраман е член на владејачката Партија на правдата и развојот (AKP) од која се и премиерот Давутоглу и шефот на турската држава Реџеп Тајип Ердоган.

„Како муслиманската земја, зошто би требало да бидеме во ситуација во која се повлекуваме од религијата? Муслиманска земја сме: Пред сето друго, секуларизмот не смее да се наоѓа во новиот устав“, изјави Кахраман веднаш предизвикувајќи негодување од секуларните кругови и целата парламентарна опозиција.

Владејачката АКР, исто така, се огради од изјавата на Кахраман. „Претседателот на нашиот парламент го изрази сопственото мислење“, реагираше претседателот Ердоган, кој во моментов престојува во посета на Хрватска.

Од доаѓањето на власта во 2002 година, опозицијата го обвинува Ердоган и неговата АКР дека го исламизира турското општество./крај/мф/сн

Извор: Макфакс