Регион
Додик: Изетбеговиќ е полтрон на политиката на панисламизмот
Претседателот на Република Српска, Милорад Додик изјавил дека претседавачот со Претседателството на Босна и Херцеговина (БиХ), Бакир Изетбеговиќ, преку начинот на којшто го поддржал актуелниот турски премиер Реџеп Тајип Ердоган во претседателската кампања, докажал дека е „полтрон“ на политиката на панисламизмот, пренесуваат српските медиуми.
Претседателот на Република Српска, Милорад Додик изјавил дека претседавачот со Претседателството на Босна и Херцеговина (БиХ), Бакир Изетбеговиќ, преку начинот на којшто го поддржал актуелниот турски премиер Реџеп Тајип Ердоган во претседателската кампања, докажал дека е „полтрон“ на политиката на панисламизмот, пренесуваат српските медиуми.
„Тоа говори дека Сараево не верува во Република Српска и посакува доминација на муслиманите. Тој наивно верува дека тоа може да се оствари преку Турција и дека Турција ќе дојде тука за да изгради онаква БиХ, каква што тој сака“, изјавил Додик за Радио Телевизија Србија.
Изетбеговиќ во саботата го нарекол Ердоган „наш лидер“, оценувајќи дека неговата победа претставува победа за сите муслимани на светот. Изетбеговиќ, како што пренесува Hina, во саботата на завршниот предизборен митинг испратил аудио-визуелна порака, а турскиот премиер Ердоган им порачал на Бошњаците да живеат во слога со Хрватите и Србите во БиХ.
Изетбеговиќ тогаш порачал дека очекува од турскиот народ на Ердоган да му поклони најмалку два мандати, поради се што направил за оживувањето и зајакнувањето на турската државата, како и за сите муслимани, а највеќе за Бошњаците во Босна и Херцеговина.
„Ги вративте гордоста и дигнитетот на исламскиот народ. Затоа сега тука сите стоиме пред тебе, со почитување за првокласниот муслимански лидер. Затоа високо кренете ги знамињата за нашиот лидер, нашиот претседател Реџеп Тајип Ердоган. Тој го носи нашето знаме, нашата гордост, тој го носи знамето коешто го носеше покојниот Алија Изетбеговиќ во крвавата босанска војна“, рекол Изетбеговиќ во своето обраќање./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.