Двајца од петмината осомничени за подготовка на терористичките напади кај езерото Бадовац, во Косово се припадници на екстремистичката организација Исламска држава и во текот на 2013 и 2014 година биле во воената зона во Сирија, пишува приштинскиот весник Zeri.

Според информациите кои ги објави весникот, уапсениот Бесник Латифи (38) од Косовска Митровица бил во воената зона во Сирија два пати, од 16 февруари до 22 април 2013 година, како и од 30 октомври 2013 до 16 април 2014 година, јавува Танјуг.Во исто време во Сирија бил и другиот осомничен Газменд Халили (31) од Ајвалија. Халили се вратил од Сирија на Косово во мај 2014 година и тие двајца заедно со Енис Латифи од Косовска Митровица, Милазим Хадзијај и Фехми Муса беа уапсени во саботата на 11 јули, кај езерото Бадовац во утринските часови, пишува Zeri.Весникот пренесува дека сите езера и фабрики за вода презеле дополнителни мерки за безбедност, а експерите по хемија велат дека шансите се многу мали во било кое езеро на Косово водата да се затруе без употреба на големи количини на токсична материја.

Началникот на Институтот за јавно здравје, Насер Рамадани во саботата за Косовапрес потврди дека водата во езерото Бадовац (Грачаничко езеро) од коешто со вода се снабдува повеќе од половина Приштина и Грачаница, не е затруена, а сите анализи коишто ги направил Институтот покажале дека водата е исправна.Снабдувањето со вода за дел од граѓаните на Приштина, Грачаница и околните села, Чаглавица и Ајвалија како и сите други кои се снабдуваат со вода од Грачаничкото езеро преку приштинскиот водовод, беше запрено поради сомнеж дека петмината уапсени кои се поврзуваат ос Исламската дежава, планирале да ја затрујат водата во езерот Бадовац./крај/мф/ффс

Извор: Zeri