Регион
Ердоган ги нападна Moody's и Fitch

Турскиот претседател Реџеп Таип Ердоган ги обвини рејтинг агенциите Moody’s и Fitch дека нивните проценки за турската економија се политички мотивирани и дека поради тоа Анкара би можела да ја прекине соработката со нив, известија во вторникот локалните медиуми.
Moody’s и Fitch предупредија во последните недели на можно негативно влијание од продолжувањето на политичката несигурност во Турција по победата на Ердоган на неодамнешните први директни претседателски избори во државата.
Ердоган денеска изјави дека таквите проценки се политички мотивирани и не се темелат врз вистинската состојба во економијата.
„Ја прекинавме соработката со агенцијата Standard & Poor’s, а доколку таквата пракса продолжи, може да му кажам на премиерот да ја прекине соработката и со ови две агенции. Но, сеуште не сме ја достигнале таа точка“, рече Ердоган, пренесува Hurriyet.
Турција во мај 2012 година жестоко реагираше кога Standard & Poor’s и намали изгледите за нејзиниот кредитен рејтинг од позитивен на стабилен. Тогаш Ердоган порача дека Анкара повеќе не ја признава агенцијата, а нејзината одлука ја нарече идеолошка.
Fitch, кој кредитниот рејтинг на Турција го држи на БББ со стабилни изгледи, минатиот четврток објави дека турската централна банка во пресрет на општте избори наредниот јуни би можела да се нјаде под силен политички притисок да ги намали каматите и покрај растот на инфлацијата.
Moody’s, кој кредитниот рејтинг на Турција го држи на Баа3 со негаивни изгледи, предупреди, пак, минатиот месец, дека победата на Ердоган на претседателските избори не ги решила кредитните предизвици во државата и дека неизвесноста ќе потрае. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин