Регион
Ердоган: Турција со иста решителност ќе се бори и против курдските борци и против џихадистите
Турција со иста решителност ќе се бори и против курдските милитанти и против џихадистичката групација Исламска држава, изјави во југоисточниот град Газинатеп во неделата турскиот претседател Реџеп Тајип Ердоган, додека турската војска ја продолжува офанзивата во северна Сирија.
Со истата решителноста ќе се бориме против Партијата на демократското единство (PYD) на Курдите во Сирија, која Анкара ја смета за терористичка организација блиска на забранетата Работничка партија на Курдистан (PKK) и против Исламската држава, изјави турскиот претседател Реџеп Тајип Ердоган пред приврзаниците во Газинатеп, град во близина сириската граница, една седмица по нападот врз свадбена свеченост на локалните Курди во кој загинаа 55 луѓе.
„Нема да прифатиме никаква терористичка активност на нашите граници или близу нив“, истакна Ердоган откако им изрази сочувство на семејството на жртвите во нападот за кој е обвинета Исламската држава.
Педесетина тенкови и повеќе стотици турски војници навлегоа во Сирија во рамките на операцијата „Штитот на Еуфрат“ кај започна во средата утрото, и чија цел е да овозможи сириските бунтовници кои ги поддржува Турција да го заземат пограничниот град Џараблус и пошироката област од рацете на Исламската држава и да ги спречат во напредувањето силите на сириските Курди.
Зборувајќи за желбата на Анкара да ја протера Исламската држава од Сирија и Ирак, Ердоган додаде: „Затоа сме и во Џараблус и во Башика.Истата одговорност ќе ја покажеме и во други области доколку е потребно“. Турскиот претседател ги спомена двете места, првото во Сирија од кое деновиве е потисната Исламската држава и, второто воена база во Ирак од каде турската војска во јануари годинава ги нападна џихадистичките позиции.
„Кога станува збор за терористичката група PYD, ќе се бориме против неа со истата решителност“, додаде Ердоган.
„На терористичките организации кои мислат оваа земја да ја фрлат наколена, бомбите коишто ги активираа ќе им експлодираат утре во нивните сопствени раце“,порача турскиот претседател./крај/мф/сн
Извор: Hurriyet
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024
Регион
(Видео) Невреме во Словенија: по обилните дождови се излеа река, поплавени патишта, подруми и ниви
Реката Соча и нејзините притоки на запад од Словенија се излеаjа по обилните дождови во областа Бовец и поплавија патишта, подруми и ниви, јавија денеска словенечките медиуми.
Противпожарните служби евакуирале 30 лица откако одрон го блокирал патот во градот Лепена, јавува агенцијата СТА.
Едно лице е повредено при отстранување на паднато дрво во општина Толмин.
Дирекцијата за цивилна заштита и помош при катастрофи соопшти дека пожарникарите цела ноќ ја испумпувале водата од подрумите и ги отстранувале паднатите дрвја од коловозите.
Во западните делови на земјата врнежите се ослабени од четвртокот навечер, а невремето денеска го зафати и источниот дел на Словенија.
Најголемо количество врнежи се регистрирани во Бохињ и Посочје, објави порталот Метеоинфо.
Рекордни врнежи за Словенија се забележани во Вогел кај езерото Бохињ, при што за 24 часа наврнале 378 литри дожд на метар квадратен.