Регион
Ердоган вели дека убиецот на рускиот амбасадор бил поврзан со движењето на Ѓулен

Врските на убиецот на рускиот амбасадор во Анкара, Андреј Карлов, укажуваат на неговата припадност на организацијата на опозицискиот исламски проповедник Фетулах Ѓулен (FETO), изјави во средата турскиот претседатал Реџеп Тајип Ердоган.
„Оваа валкана организација, за жал, е навлезена во нашата армија и полицијата. Атентатот врз амбасадорот е јасен доказ за тоа. Трагите водат во странство..“, изјави на прес-конференцијата во турската престолнина Анкара, претседателот Реџеп Тајип Ердоган.
Според него амбасадорот Андреј Карлов бил особен дипломат.
„Тој никогаш не се мешаше во внатрешните работи на Турција и правеше сé што е можно за развивање на односите меѓу Анкара и Москва“, додаде Ердоган.
Од Кремљ претходно изјавија дека нема да брзаат со заклучоците кој стои зад убиството на дипломатот. Според портпаролот на рускиот претседател, Дмитриј Песков, ќе треба да се почекаат резултатите од истрагата на заедничкиот истражен тим.
Атентатот врз рускиот амбасадор беше извршен во понеделникот вечерта во галерија во Анкара, на отворање на изложба на фотографии. Убиецот, полицаец кого го сметале дека е телохранител на Карлов, застанал зад него и неколку пати му стрелал во грбот извикувајќи исламистички пораки.
Подоцна во средата одговорноста за нападот ја презема сириската вооружена коалиција Џаиш ал-Фатах, во кој е и радикалната Џебхат ал-Фатах ал-Шам, или поранешната Џебхат ан-Нусра, сириското крило на Ал Каеда.
Турските медиуми, повикувајќи се на извори од истрагата, објавија дека во хотелската соба што ја изнајмил убиецот Мевлут Мерт Алтинташ, како и во неговиот дом биле откриени материјали и книги за Ал Каеда и за движењето на имамот Фетулах Ѓулен, кој во вторникот изјави дека не е поврзан со атентатот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Плинска боца експлодира во стан на српски туристи во Грција, има повредени

Пет туристи од Србија се повредени денес во експлозија на плинска боца во изнајмена соба во Аспровалта, во регионот на Солун, од кои еден доби тешки изгореници, објавува Катимерини.
Несреќата се случила денес околу 15:30 часот под сè уште неразјаснети околности.
Најтешко повреден е 41-годишен маж, кој се здобил со изгореници, додека другите се здобиле со повреди од скршено стакло, објавува Катимерини, додека Прототема објавува дека маж со изгореници од прв и втор степен и жена со изгореници од прв степен се пренесени во свесна состојба во Општата болница во Солун.
Полицијата го уапси 86-годишниот сопственик на куќата, а надлежните органи ги истражуваат причините за несреќата.
Регион
Полицијата на Истра уапси Германец: снимал голи деца со рачен часовник

Истарската полиција приведе германски државјанин (31), кој е обвинет за експлоатација на деца за порнографија откога е откриено дека снима голи деца на плажа со рачен часовник со интегрирана камера.
Граѓаните ја известиле полицијата во вторникот околу 18 часот кога забележале дека мажот снима деца со рачен часовник. Полицијата ги претресла неговите простории, автомобилот и друга техничка опрема и пронашла инкриминирачки снимки. Еден ден подоцна тој бил предаден на притворската единица на Полициската управа на Истра со кривична пријава.
„Полицијата апелира до родителите да ги следат своите деца и да гледаат каде се и што прават на плажа. Облечете ги вашите деца во костими за капење, а доколку забележите сомнително лице што снима деца, веднаш известете ја полицијата на 192“, велат од полицијата додавајќи дека ваквите акции покажуваат дека јавноста е сè повеќе свесна за проблемот со снимањето деца и дека препознавањето на сомнителното однесување овозможува навремен одговор и апсење на сторителот“.
Фото: принтскрин
Регион
Словенците воведуваат скратена работна недела за оние што се блиску до пензија

Од 1 јануари 2026 година во Словенија делумно ќе стапи во сила закон кој претставува вистинска револуција на пазарот на трудот. Освен зголемување на надоместоците за невработеност и јавни работи, како и олеснување на пристапот до пазарот на трудот за младите, студентите, но и пензионерите, законот ќе им овозможи на лицата што се блиску до пензија да ја намалат работната обврска.
Конкретно, работниците постари од 58 години, како и оние со најмалку 35 години работен стаж, практично ќе може да изберат помеѓу слободен петок или скратен работен ден во траење од шест часа, потврдија од Министерството за труд, семејни и социјални прашања и еднакви можности за словенечките медиуми.
Според моделот наречен 80-90-100, што значи 80 отсто работно време, 90 % плата и 100 % уплатени придонеси – Словенија делумно ќе ги преземе искуствата на земји како Исланд, Ирска и Германија. Во овие земји ваквите закони довеле до позитивни ефекти, како зголемена продуктивност, помалку отсуства од работа и поголема ефикасност. Словенците веќе имаат неколку пилот-проекти, претежно во технолошки компании, кои покажале слични резултати.
Од Министерството за труд најавија дека, доколку измените се покажат успешни, ќе се оди во насока на дополнителна либерализација на прописите. До крајот на 2028 година се очекуваат и промени, како додаток за работа во сабота, задолжителен божиќен бонус за сите вработени, па дури и воведување 38-часовна работна недела.
Во оваа прва рунда на измени донесени се и други мерки. Така, од 2026 година невработените Словенци ќе имаат повисоки надоместоци за невработеност. Максималниот износ што ќе го примаат во првите три месеци по отказ или раскин на договорот за работа ќе изнесува 130 проценти од просечната минимална бруто-плата во државата, што моментно е нешто повеќе од 1.660 евра. Ако ни по три месеци, не најдат нова работа, ќе имаат право на 110, па 100 отсто, па сè до 70 проценти од просечната минимална бруто-плата.
Значајни промени и зголемени надоместоци ги очекуваат и учениците, студентите и учесниците во јавни работи, кои покрај повисоки минимални часовни тарифи, ќе имаат и подобрени работни услови. Планирани се и стимулации за вработување невработени лица постари од 59 години во износ од 40 проценти од месечниот нето-надоместок, а оваа категорија ќе има право на зголемен број дозволени часови за привремена или повремена работа. Месечното ограничување за работа на пензионерите се зголемува од 60 на 85 часа месечно, соодветно со зголемување на максималниот годишен приход.
Законот на крајот беше усвоен по итна постапка бидејќи неговото донесување беше услов за повлекување 140 милиони евра европски средства за оваа цел.