Во Општина Чачак, во Србија, прогласена е вонредна состојба поради излевање на реката, а слична е ситуацијата во неколку соседни општини, јавуваат српските медиуми, по силниот дожд кој го зафати овој дел на земјата.

Од неколку села околу Чачак, досега евакуирани се 420 луѓе, чии куќи и помошни простории, како и нивите се поплавени по излевањето на реката Чемерница, велат од Штабот за вонредни состојби.На седницата на Штабот имало информација дека една куќа изгорела поради прекин на електричните кабли, а во неа имало две постари лица, од кои жената била неподвижна, но биле спасени.Сите евакуирани луѓе се сместени во прифатилиштата кои се опремени за тоа, како Домови на културата во селата и прифатилиштата во Чачак.По излевањето на реките во општините Чачак, Лучани, Ариље и Бајина Башта, прогласена е вонредна состојба, водените текови растат, а наложена е евакуација на најзагрозените.Еден таксист во утринските часови бил заробен во својот автомобил на локален пат, на делот кој бил поплавен.Вонредна состојба од поплави прогласена е и на териториите на општините околу реките Кубушница, Јасеница и Велики Луг.Прекината е испораката на вода за пиење кон пет градови, и тоа кон Чачак, Ариље, Пожега, Лучани и Горњи Милановац, поради дефектот на водосистемот кој настанал при поплавите./крај/мф/бб