Регион
Генералштаб на Турција: Неидентификуван ‘МиГ-29’ следел ‘F-16’ на границата со Сирија
Борбен авион од типот ‘Миг-29’ за кој не е утврдено на која држава ѝ припаѓа следел турски авиони од типот „F-16“ во понеделникот на турско-сириската граница, објави во вторникот Генералштабот на турските вооружени сили.
Претходно изминатиот викенд во изјава на турскиот Генералштаб беше наведено дека авион од типот „МиГ-29“, за кој не е утврдено кому припаѓа а го поседуваат и руската и сириската армија, во саботата 3-ти октомври, следел и провоцирал два турски авиона од типот „F-16“ насочувајќи ги кон нив проектилите по должината на труско-сириската граница, во поркаината Хатај.
Во новото соопштение на турскиот Генералштаб, во понеделникот 5-ти октомври, осум турски авиони од типот „F-16“ биле провоцирани од неидентификуван „МиГ-29“ во текот на 4 минути и 30 секунди за време на патролен лет на границата со Сирија, пренесува дневниот весник Hurriyet.
Портпаролот на руското министерство за одбрана, генерал-мајорот Игор Конашенков изјави дека руското воено воздухопловство нема никаква врска со овие инциденти, истакнувајќи дека во составот на руските воздухопловни сили во Сирија „авиони од тој тип во воздухопловната база Хмејмим нема“.
Во соопштението од вторникот 6-ти октомври, турската армија исто така наведува дека сириските противвоздушни системи биле насочени кон турската воздушна патрола повеќе од четири минути во понеделникот.
Турција, чијашто армија е втората по големина во НАТО, објави дека турскиот воздушен простор бил повреден од руски борбен авион во неделата.
Руското министерство за одбрана во понеделникот потврди дека руски борбен авион од типот „Су-30“ „на неколку секунди“ го повредил воздушниот простор на Турција, и дека овој инцидент е резултат на „неповолните метеоролошки услови“ во таа област. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.