Грчкиот суд во вторникот одобри испорачување на тројцата турски офицери кои побегнаа во Грција по неуспешниот обид за пуч во јули, ден откако беше одбиено барањето за испирачување на тројца други офицери од оваа земја, пренесуваат турските медиуми.

Тројцата офицери, како и уште петмина кои заедно со нив со хеликоптер побегнаа во Грција, негираат вмешаност во воениот удар и обидот за убиство на турскиот претседател Реџеп Тајип Ердоган. Апелацискиот суд во Атина го одобри барањето на Турција за испорачување на трите лица од групата кои се обвинети за учество во пучот, а се очекува дека  на одлуката ќе врачат жалба.

Грчкиот суд во понеделникот го одби барањето на Турција за испорачување на тројца други офицери кои побегнаа во Грција после обидот за пуч, оценувајќи дека нивниот живот би бил во опасност, навела агенција AFP.

Според грчкиот закон, конечната одлука по барањето за испорачување ја донесува Министерството за правда. Осумте офицери со хеликоптер слетаа во Александрополис, град во близина на грчко-турската граница на 16-ти јули, неколку часа по обидот за пуч во Турција. Тие изјавиле дека стравуваат за своите животи иако не учествувале во обидот за воен удар и веднаш побараа азил во Грција, во моменти кога Анкара бараше нивно испорачување./крај/мф/бс