Регион
Грција ангажира студенти и туристи како тајни даночници

Критиките дека Грција пребавно ги спроведува новите економски реформи го принудија министерот за финансии да предложи ангажман на бројни хонорарни тајни инспектори: туристи, домаќинки и студенти во борба против неплаќачите на даноци.
Јанис Варуфакис предложи вработување на „голем број непрофесионлни инспектори…кои би биле озвучени и опремени со камера“ .
Својот предлог го доставил до претседателот на еврогрупата Јерон Дејселблум, а објавен е и на интернет страната на грчкиот весник Прототема.
Според Варуфакис, инспекторите-хонорарци би прибирале податоци кои би имале правна тежина и врз чија основа би делувале вистинските инспектори.
„Самиот податок дека се ангажирани илјадници лица со аудио и видео опрема брзо ќе го смени однесувањето, и ширум општеството ќе се прошири чувство за правда и ќе се создаде нова култура на плаќање на данок“, напиша Варуфакис. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двокатен автобус oд Косово се заглави под подвозник во Загреб

Автобус од Косово се заглави пред најпознатиот подвозник во Загреб на улицата Мирамарска.
Возачот на автобусот се обидел да помине под подвозникот висок 3,65 метри.
Инцидентот предизвикал голем метеж во градското подрачје, пренесе „Индекс“.
Регион
Парламентарни избори во Албанија, Рама се бори за четврти мандат, а Бешира за враќање на власт по 12 години

Албанците денес гласаат на 11, парламентарни избори по падот на комунистичкиот режим. Право на глас имаат 3.721.116.
Лидерот на Социјалистичката партија Еди Рама, кој е премиер од 2013 година се бори за четврти мандат, а Сали Бериша, поранешен премиер и лидер на Демократската партија, се надева на враќање на власт по 12 години.
На овие избори, првпат, ќе гласа и албанската дијаспора. Прифатени се апликации на 245.93 лица надвор од земјата.
Во 12 изборни единици, на 5.225 избирачки места Албанците гласаат за 140 нови пратеници.
Регион
Српски бизнисмен брутално претепан во Загреб, крвав лежел пред хотел

Саша Мирковиќ, српски претприемач, музички продуцент и сопственик на „Хајп телевизија“, бил претепан пред хотел во центарот на Загреб, објавија српските медиуми.
Според нивните наводи, Мирковиќ и уште еден маж се сретнале на влезот во хотелот, по што дошло до вербален конфликт кој прераснал во физичка пресметка. Српски Телеграф објави снимки на кои се гледа како крвавиот Мирковиќ лежи на тротоарот, веднаш по тепачката.
Набрзо пристигнала брза помош и го однела во болница.