Регион
Грција бара ракети за својот руски ракетен систем С-300

Грција преговара со Русија за купување на ракети за својот противракетен систем С-300 од руско производство, како и одржување на овој одбранбен систем кој го поседува од крајот на 1990-те.
Оваа информација во којашто се цитира изјава на грчкиот министер за одбрана Панос Каменос што ја пренесе агенцијата РИА, доаѓа откако минатата седмица грчкиот премиер Алексис Ципрас престојуваше во официјална посета на Русија, каде што доби морална поддршка и ветување за долгорочна соработка, но не и свежи пари со кои би го спречил банкротот на својата презадолжена земја.
Грција, иако е членка на НАТО, го поседува рускиот систем за противоздушна одбрана С-300 од крајот 1990-те години.
„Русија и Грција преговараат за одржување на системот, како и за купување на нови ракети С-300“, изјави Каменос кој во Москва од средата присуствува на меѓународна безбедносна конференција. Истовремено грчкото министерство за одбрана во Атина објави соопштението во коешто министерот вели дека „Постојната програма на соработка во одбраната ќе продолжи“.
За западните медиуми не е јасно како Грција, чијашто влада очајнички се обидува да обезбеди пари за исплата на доспеаната рата од заемот, ќе најде пари за купување на руските ракети.
Се потсетува притоа дека рускиот претседател Владимир Путин по средбата со Цирпас во Москва минатата седмица, изјави дека Атина не барала пари за помош во должничката криза./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин