Регион
Хан: Црна Гора е пример за регионалната соработка

Еврокомесарот за соседска политика и пристапни преговори, Јоханес Хан во средата по средбата со црногорскиот премиер Мило Ѓукановиќ во Брисел изјавил дека Црна Гора примерно ги развива односите со соседите во регионот и ја повикал земјата да продолжи со реформите во областите на владеењето на правото.
„Мило ми е што премиерот Ѓукановиќ ќе го видам повторно идната недела на бриселскиот состанок на лидерите на земјите од западен Балкан, што претставува одличен пример за регионалната соработка“, изјавил Хан, пренесуваат црногорските медиуми.
Комесарот најавил дека на претстојниот состанок на 21-ви април ќе стане збор за поврзувањето на земјите од регионот во областите на транспортот и енергијата, кои се од клучно значење за економскиот развој.
Хан ја пофалил Црна Гора поради досега остварениот напредок во преговарачиот процес, но истакнал дека е важно реформите да се претворат во пракса.
„Тоа е и еден од клучните услови Црна Гора да добие покана за членство во НАТО“, рекол Хан.
Ѓукановиќ изјавил дека Црна Гора, која досега отворила 18 преговарачки поглавја, а се подготвува да отвори уште пет, е неоспорен лидер во европските интеграции на регонот.
„Како и досега, не брзаме со роковите туку го насочуваме вниманието на квалитетот на реформите“, рекол црногорскиот премиер и ветил напредок во таа насока./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин