Регион
Хашкиот трибунал ги објави условите под кои е пуштен Шешељ
Обвинетиот за воени злосторства челник на Српската радикална партија (СРС), Воислав Шешељ не смее на ниеден начин да стапи во контакт со жртвите и сведоците, ниту на нив да влијае, не смее да ја попречува правдата и мора да се одѕива на повикот на Меѓународниот кривичен суд за воени злосторства сторени на територијата на поранешна Југославија, објави во вторникот Хашкиот трибунал.
По доаѓањето во Србија, Воислав Шешељ морал да го предаде и пасошот, а Трибуналот ги повика властите во Белград да не му издават нов пасош што би му овозможило патување без дозвола на судот, се вели во една од точките од условите под кои привремено беше пуштен челникот на српските радикали од притворот во Шевенинген од која во вторникот беше симната ознаката за доверливост. Другите точки се однесуваат на поединости од неговото пуштање на привремена слободат и трансферот до Србија.
Меѓународниот кривичен суд за воени злосторства сторени на територијата на поранешна Југославија пред речиси три седмици го пушти од притворот Шешељ, со тврдења дека е тешко болен од тумор.
Меѓутоа, тој веднаш по доаѓањето во Србија почна јавно да настапува, на што реагираа од Хрватска. Како и главниот обвинител на Хашкиот трибунал. Серж Брамерц, минатата среда во интервју изјави дека ја разбира фрустрираноста на луѓето којашто со своите настапи ја предизвикува хашкиот обвинет Воислав Шешељ по привременото пуштање на слобода, но нагласи дека неговиот случај е целосно во рацете на судскиот совет. Хрватскиот Сабор (парламентот), пак, го усогласи во вторникот текстот од декларацијата со којашто се осудува пуштање од хашкиот притвор на Шешељ и се бара повлекување на таквата одлука, но се уште не е познато дали декларацијата ќе биде донесена пред четврток кога за ова прашање на инсистирање на хрватските претставници ќе се расправа во Европскиот парламент.
Хашкиот трибунал привремено го ослободи Воислав Шешељ поради лошата здравствена состојба и без пресуда, по 11 ипол години притвор под обвинение за воени злосторства сторени во текот на војните во Хрватска и во Босна и Херцеговина, како и за протерување на несрпското население од БиХ и од Војводина.
Меѓутоа, поранешната портпаролка на Хашкиот трибунал, Флоренс Хартман, изјави неодамна дека пресуда против Шешељ постои, дека таа веќе е напишана, но е не објавена. „Пресудата веќе е напишана, а никој не сака да каже каква е. Шешељ не е толку болен за да не може да го сослуша нејзиното читање“, тврди Хартман.
Воислав Шешељ доброволно му се предаде на Хашкиот трибунал во февруари 2003 година. По судењето коешто започна кон крајот на 2007 година, пресудата требаше да биде изречена на 30-ти октомври 2013 година, но нејзиното носење беше одложено откако Трибуналот го усвои барањето на Шешељ за изземање на судијата Фредерик Хархоф, поради пристрасност. Од тогаш трае запознавањето со предметот на новиот судија Мандиаја Нианга од Сенегал, а претседателот на судот Теодор Мерон најави дека тоа ќе потрае до средината на 2015 година кога би требало да започне советувањето за пресудата./крај/мф/сн
Извор: Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Регион
Не ги навредив Бугарите, туку ја критикував нашата влада, објасни хрватскиот претседател по изјавата на која реагираше Софија
Хрватскиот претседател Зоран Милановиќ изјави дека со изјавата дека Хрватска е „на дното на ЕУ по повлекувањето на европските пари, а само Бугарија е полоша“, не ги навредил Бугарите, туку ја исмејува хрватската влада која прави „будали и социјални случаи“ од нејзините граѓани.
Милановиќ претходно рече дека „Хрватска е дното на Европската унија и дека само Бугарија е полоша“, па секој ден се молат на Бога, Бугарија да остане последна и ништо да не и се случи, бидејќи во спротивно би била Хрватска“. По изјавата, според хрватските медиуми, Бугарите ја повикале хрватската амбасадорка во Софија, Јасна Огњеновац и изразиле незадоволство, пренесува порталот „Индекс“.
Бугарското Министерство за надворешни работи на хрватскиот амбасадор му пренело „длабоко разочарување од изјавата на претседателот Милановиќ“, каде што истакнале „дека изјавата е неприфатлива за Бугарија и не е во согласност со одличните билатерални односи меѓу Хрватска и Бугарија“.
Тие истакнаа и дека се надеваат дека „хрватската влада ќе се огради од таа изјава“.
„Не ги навредив Бугарите, туку исмевав некои елементи на хрватската влада кои не’ прават будали и социјален случај“, рече шефот на хрватската држава и додаде дека претходно ја критикувал земјата на тема повлекување европски пари.
„Дали можеме да кажеме дека Хрватска се моли Сингапур последен да подигне пари? Дали тоа звучи подобро? Но, Сингапур не е европска земја. Значи некој мора да биде последен. Тоа е Бугарија, а Хрватска е претпоследна“, рече Милановиќ и потсети дека тоа се статистички податоци и дека тоа досега го кажал десет пати.
„Тоа е потсмев, за жал, на сметка на некои во Хрватска кои не прават социјален случај, кои не можат да земат доволно европски средства, па затоа сме претпоследни. Нормално, гледаш кој е последен. Бугарија е последна, секогаш е последна (…) Хрватска е претпоследна“, рече Милановиќ.
„И тоа е факт за кој зборував десет пати. Алелуја (…) Тоа се факти за кои мора да се разговара во политиката бидејќи се многу релевантни податоци. Зошто Хрватска е претпоследна? Зошто не е петата одоздола, или петта одозгора. Зошто не е? Веројатно некој е одговорен за тоа“, додаде тој.
На крајот, како што додаде, никој не се моли Бугарија да пропадне, туку дека неговата изјава е верзија на американската шега за сојузната држава Арканзас, која „се моли на Бога Мисисипи, кој е најсиромашниот, да биде здрав и добро“, бидејќи во спротивно тоа би бил Арканзас.
„За да го знаете тоа, треба да прочитате нешто во животот, а не да се занимавате со селски скандали“, рече Милановиќ.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.