Бугарската полиција по кратка постапка ги враќа барателите на азил во Турција, најчесто откако ќе им го одземе она што го поседуваат и откако врз нив ќе примени сила, извести во среда организацијата за заштита на човековите права Хјуман Рајтс Воч(ХРВ).

Мигрантите од Авганистан, Сирија и Ирак пријавиле кражби, насилства, насилно враќање и напади на полициски кучиња, се вели во извештајот на ХРВ, по разговорите што припадниците на оваа организација ги имале со 45 бегалци во шест земји во периодот меѓу октомври и декември минатата година.ХРВ тврди дека мигрантите во периодот меѓу март и ноември минатата година пријавиле 59 случаја на принудно враќање во Турција, а 26 лица рекле дека полицијата ги тепала или на нив биле пуштани полициски кучиња.„Само на еден од испитаниците не му биле одземени работите, во повеќето случаи при предавањето на работите што ги имале со себе, биле на нишан на безбедносните сили, а потоа протерани преку границата, во Турција“, се вели во соопштението на ХРВ.Оваа организација ги повика бугарските власти да преземат итни чекори за да се прекине нелегалниот однос кон луѓето кои бараат заштита, како и да ги приведат одговорните за таквите нехумани постапки.Портпаролката на бугарската полиција рекла дека насилното враќање или одземањето на имотот од барателите на азил не се дел од политиката на оваа балканска држава кон мигрантите и дека секој таков пријавен случај се истражува. /крај/хн/ст