Регион
Хрватска дозволи Србија да го продолжи процесот за поглавјето 23

Хрватска се согласила Европската унија (ЕУ) да ги отвори преговорите со Србија за поглавјето 23, пренесуваат српските медиуми. Сепак, хрватската агенција Hina пренесува дека сé уште не е донесена и официјалната одлукуа за отворањето на ова поглавје, но таа се очекува набрзо.
Хрватска се согласила Европската унија (ЕУ) да ги отвори преговорите со Србија за поглавјето 23, пренесуваат српските медиуми. Сепак, хрватската агенција Hina пренесува дека сé уште не е донесена и официјалната одлукуа за отворањето на ова поглавје, но таа се очекува набрзо.
„Амбасадорот на Хрватска на почетокот на состанокот достави писмена согласност за отворање на поглавјето, а потоа беше постигнат договор на амбасадорите на 28-те членки да го отворат поглавјето во преговорите со Србија“, изјавил портпаролот задолжен за економски, финансиски и надворешни работи на Советот на ЕУ, Франсоа Хед по седницата на Комитетот на постојаните претставници (COREPER).
Hina пренесува дека Хрватска ја повлекла својата воздржаност под услов ЕУ во својата преговарачка позиција за поглавјето 23 да ги реши прашањата на кои Хрватска имаше забелешки.
„Советот на ЕУ ќе побара од Србија да ги прати своите преговарачки позиции на ова поглавје, а од Комисијата да почне да работи на нацрт заедничките преговарачки позиции на земјите членки на ЕУ. Дури кога земјите членки ќе го усогласат текстот и едногласно ќе ја прифатат заедничката преговарачка позиција, поглавјето може да биде отворено“, изјавиле за Hina од Советот на ЕУ.
Агенцијата дознава дека Хрватска дала согласност, бидејќи е прифатено дека во преговарачкиот процес на Србија ќе бидат додадени хрватските барања: целосна соработка на Србија со Хашкиот трибунал, целосна примена на домашните и меѓународните обврски на Србија и заштита на малцинските права, во кои спаѓаат и правата на хрватското малцинсто во Србија, како и да се избегнуваат конфликти на правосудството во процесирањето на воените злосторства.
Дипломатски извори во Брисел наведуваат дека расправата на амбасадорскиот состанок по останатите точки од дневниот ред траеле подолго отколку што било предвидено, така што до консензус по повод продолжувањето на процесот за отворањето на поглавјето 23 дошло по дури 18 часа.
По воспоставената согласност за исполнетите критериуми за отворањето на поглавјето 23 се очекува Србија да биде повикана да ја достави својата преговарачка позиција за поглавјата 23 и 24, а потоа земјите членки на ЕУ повторно треба да работно ниво на Советот на ЕУ да ги усогласат заедничките позиции на Унијата во преговорите од поглавјата кои се однесуваат на владеењето на правото и фундаменталните права.
Во ЕУ очекуваат дека до формално отворање на поглавјата 23 и 24 од пристапните преговори на Србија треба да дојде до крајот на јуни./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Топлотниот бран ги затвори Акропол и археолошките локалитети во Атина

Поради топлотниот бран и високите температури што од почетокот на седмицава ја зафатија Грција, археолошките локалитети во Атина, како и Акропол и во текот на викендов ќе бидат затворени за туристи во периодот од 12 до 17 часот.
Новиот топлотен бран што ја зафати Грција, според најавите и прогнозите се очекува да трае до недела.
Вчера беше најтоплиот ден, просечната максимална температура достигна 37,6 степени Целзиусов, на Пелопонез измерени речиси 46 степени, а во многу делови од земјата надмина 42 степени.
Регион
Цените на становите во Белград скокнаа до 167 проценти, нема квадратен метар под 1.000 евра

Минималните цени по квадратен метар на становите во Белград забележаа драстичен скок во првиот квартал од 2025 година, според податоците од Републичкиот геодетски завод (РГЗ), објави B92.net.
Пазарот на недвижности во Белград, како и во остатокот од Србија, бележи постојан пораст на цените со години.
Становите во главниот град се уште се најбарани, но и најскапи. Според податоците од Републичкиот геодетски завод (РГЗ) за првите три месеци од оваа година, постојат докази за континуирано зголемување на просечните цени, но и за значително поизразен скок на минималните цени по квадратен метар, особено во сегментот на стари згради.
Најниската регистрирана цена по квадратен метар во стари згради во Белград е 1.067 евра, што претставува зголемување од дури 167 проценти во споредба со истиот квартал минатата година, кога најниската цена беше само 400 евра.
Сличен тренд се забележува и кај новите градби – најниската цена по квадратен метар во Белград во првиот квартал од 2025 година изнесуваше 1.100 евра, додека една година претходно изнесуваше 600 евра, што претставува зголемување од 83 проценти.
Дури и споредбата со последниот квартал од 2024 година покажува дека растот се интензивирал, и тоа на краток рок: тогаш минималната цена по квадратен метар во старите згради била 700 евра, а во новите згради 870 евра. Само три месеци подоцна, минималните цени се повисоки за 52% (стари згради) и за 26% (нови згради).
Додека минималните цени брзо се зголемуваат, просечните цени на квадратни метри бележат поумерен, но сепак значаен раст. Во старите згради во Белград, просечната цена на квадратен метар во првиот квартал од 2025 година изнесувала 2.513 евра, што е зголемување од 18% во споредба со истиот квартал од 2024 година. Во новите згради, просечната цена на квадратен метар изнесувала 2.472 евра, што е зголемување од 3% на годишно ниво.
Интересен факт е дека првите три месеци од 2025 година покажуваат дека најниските цени на квадратни метри сега се четирицифрени во секоја општина во Белград, и во новите згради и во старите згради. Фактот дека минималната цена има четири цифри не е изненадувачки кога станува збор за нови згради. Во старите згради, пак, во истиот период минатата година, ова беше случај само во две општини – во Врачар и Савски Венац.
Додека цените во новите згради во Белград стагнираат и не бележат радикален раст, цените во старите згради покажуваат поинаква слика. Иако растот во однос на просечните цени е умерен, истото не може да се каже за минималните цени по квадратен метар, кои речиси „експлодираа“.
Некои општини во Белград забележаа речиси двојно повисоки почетни цени на недвижностите. Најголем скок е забележан во Палилула, каде што минималната цена на становите во старите згради се зголеми од 800 евра по квадратен метар во првиот квартал од 2024 година на дури 1.992 евра во истиот период во 2025 година – што претставува зголемување од дури 149 проценти.
Цените значително се зголемија и на попрестижните градски локации, како што се Стари Град и Врачар. Во Стари Град, минималната цена на стан се зголеми од 940 евра на 1.667 евра, додека во Врачар е забележан скок од 1.130 на 1.887 евра за квадратен метар.
Савски Венац, кој се смета за една од најскапите општини, забележа малку помало зголемување – од 1.250 на 1.449 евра, што може да укажува на заситеност на пазарот.
Во Звездара, минималната цена се зголеми од 910 на 1.290 евра, додека во Земун е забележан скок од 972 на 1.542 евра. Во Чукарица, цените се зголемија од 715 на 1.250 евра, додека Стара Раковица достигна цена од 1.266 евра од минатогодишните 930 евра за квадратен метар.
Регион
Вучевиќ: Време е оние што повикуваат на насилство да одговораaт

Претседателот на Српската напредна партија и советник на претседателот, Милош Вучевиќ, денес изјави дека верува оти Обвинителството ќе си ја заврши работата и дека оние што јавно се залагаат и промовираат насилство ќе бидат повикани на одговорност. „Пет до дванаесет е, а можеби и дванаесет и пет за оние што повикуваат на насилство да одговорат“, рече Вучевиќ за „Танјуг“.
Тој исто така оцени дека протестите пред семејните домови се чист фашизам. „Она што го гледаме сега, дека одат по куќи, станови, ги напаѓаат нашите семејства и соседи, сè најлошо и најодвратно, покажува немоќ и отсуство на каква било политичка смисла. Тие покажуваат кукавичлак, безгрижност“, рече Вучевиќ.
Според него, последниот чин од оваа претстава сè уште треба да се одигра. „Тие беа трипати пред мојот стан, ние веќе сме навикнати на таква ситуација, колку и да е непријатна. И тие само ни даваат уште поголема сила да се бориме против нивните политики, а не да молчиме. Како што видовте, никој не се повлече ниту се засолни“, рече тој. ж
Оние што го организираат тоа, изјави, се вистинските цели на оние пред чии станови протестираат.
„Тие нè прават вистински цели, ако сме убијци и криминалци, тие се одговорни ако нешто им се случи на нашите семејства. Сакам она што им се случува на нашите семејства никогаш да не им се случи ним. Првото нешто што би го направил е да ги заштитам нивните семејства ако нешто се случи.
Се боревме против фашизмот во Втората светска војна, ќе се бориме и сега“, рече Вучевиќ, според „Танјуг“.