Хрватскиот премиер Зоран Милановиќ, по состанокот со претставниците на парламентарните партии рече дека се договориле Хрватска да излезе од арбитражата за проблемот што го има со соседна Словенија околу Пиранскиот залив.
 

Хрватскиот премиер Зоран Милановиќ, по состанокот со претставниците на парламентарните партии рече дека се договориле Хрватска да излезе од арбитражата за проблемот што го има со соседна Словенија околу Пиранскиот залив.

„Хрватска мора да го раскине арбитражниот договор и да се држи до меѓународното право. Очекувам голема поддршка и се надевам дека ќе ја добијам едногласно“, вели Милановиќ.Истакна дека Словенија и Хрватска имаат исти интереси околу заштитата на границата, затоа што сценариото кое може да се види на границите на Унгарија за големиот број мигранти кои влегуваат од исток и од југ, наскоро би можело да се види во Хрватска и Словенија.Одлуката доаѓа откако во средата во хрватските медиуми беа објавени транскрипти и аудио запис кои покажуваат дека словенечкиот член на арбитражниот суд Јернеј Соколец и словенечката дипломатка оплномоштена претставничка за следење на арбитражата, Симона Дреник, како се договараат за изнесувањето на аргументите и лобирањето кај другите судии на Постојаниот арбитражен суд  во Хаг за постапката за границата меѓу Словенија и Хрватска. Се работи за разграничување во Савудрискиот залив каде Хрватска смета дека границата треба да се одреди од устието на реката Драгоња, каде завршува копнена граница  и од таа точка заливот да го разграничи со примена на линија на еквидистанца. Словенија, пак, истакнува дека целиот залив ѝ припаѓа на неа и дека за време на поранешна Југославија таа го контролирала и треба да се водат од начелото дека секој го задржува тоа што е негово.Според транскриптите и аудио снимките, Соколец и Дреник се договарале поголем дел од заливот да ѝ припадне на Словенија.По избивањето на скандалот, словенечките партии ѝ дадоа право на Владата сама да именува нов арбитар, без потврда од парламентарните партии./крај/мф/бб