Иако Хрватска, којa според официјалните податоци бележи дури и пад на бројката на баратели на азил во однос на минатата година, поради бегалците кои пристигнуваат во Србија и оградата која Унгарија ја гради на српско-унгарската граница, наскоро би можела да се соочи со зголемен број на мигранти, пишува хрватскиот весник Jutarnji list.
 

Иако Хрватска, којa според официјалните податоци бележи дури и пад на бројката на баратели на азил во однос на минатата година, поради бегалците кои пристигнуваат во Србија и оградата која Унгарија ја гради на српско-унгарската граница, наскоро би можела да се соочи со зголемен број на мигранти, пишува хрватскиот весник Jutarnji list.

Како последица на изградбата на ѕидот на унгарската граница кон Србија, која во моментов е надворешна граница на ЕУ и Шенген зоната, Хрватска би можела да стане една од алтернативните рути за влегување на бегалците во Шенген зоната, пишува весникот и додава дека од Србија бегалците најбрзо би можеле да влезат во оваа зона преку Барањ.

„Ние предупредивме на ова кога изразивме несогласување за идејата на Унгарија за изградба на ѕид, дека за проблемот на миграцијата треба да се најде заедничко европско решение, бидејќи национално решение не е можно. Доколку не се делува заеднички, тогаш многу бегалци можат да пронајдат алтернативни правци низ кои повторно ќе дојдат во Унгарија преку Србија, било преку Романија или пак преку Хрватска“, навел за весникот еден европски дипломат.

Тој изјавил дека насоките на движењето на бегалците се непредвидливи и дека зависат од разни фактори, меѓу кои и од стратегиите на оние кои криумчарат и профитираат од трагедиите.

Во Европската унија и во хрватскиот Црвен крст се свесни дека постои можност Хрватска да стане нова транзитна станица за бегалците, кои како конечна цел имаат некои други развиени држави членки на Унијата.

Од ЕУ и натаму ги повторуваат начелните ставови за тоа дека државите членки се одговорни за надзорот на своите граници и дека секоја мерка мора да биде целосно во согласност со законите на ЕУ и со меѓународните обврски, меѓу кои и они за барателите на азил да не бидат враќани дома, доколку нивниот живот е во опасност.

„ЕУ немаше инструменти да ја спречи намерата на унгарскиот премиер Виктор Орбан за изградба на ѕид кон Србија, освен тоа што таквиот чин го оцени како неприфатлив, бидејќи во европските вредности како еден од најголемите успеси се смета токму рушењето на ѕидови меѓу државите“, пишува хрватскиот весник./крај/мф/бс