– џамијата на Крал Фахд, Сараево

Имамот од Исламската заедница во Босна и Херцеговина, Селведин Бегановиќ, го обвини во средата неформалниот водач на радикалните исламист во оваа земја, Хусеин Билал Босниќ, дека манипулира со исламското учење и така ги турка во смрт неискусните и неуки момчиња кои ги советува да заминат да се борат на страната на џихадистите и терористите во Сирија и во Ирак.

Имамот од Исламската заедница во Босна и Херцеговина, Селведин Бегановиќ, го обвини во средата неформалниот водач на радикалните исламист во оваа земја, Хусеин Билал Босниќ, дека манипулира со исламското учење и така ги турка во смрт неискусните и неуки момчиња кои ги советува да заминат да се борат на страната на џихадистите и терористите во Сирија и во Ирак.

„Исламот е грабнат, тие луѓе исламот го врзаа за тероризмот, а тоа е религија на љубовта и мирот“, изјави имамот Селведин Бегановиќ кој како сведок на обвинението се појави на судењето на Хусеин Билал Босниќ кое е во тек пред судот на БиХ.

Босниќ е обвинет за поттикнување на момчиња од БиХ да се придружуваат на терористичката организација Исламска држава, а имамот Бегановиќ кој и претходно во своите јавни настапи го осудуваше дејствувањето на Босниќ, сега дополнително го обвини дека свесно ги испраќа босанските момчиња во смрт.

Бегановиќ на судењето сведочеше и дека и самиот бил цел на напади, и тоа седум пати, на следбениците на Бегановиќ поради јавните осуди на неговото дејствување и врбување борци за џихадистите.

„Мене таквите ми се закануваат дека ќе ме заколат“, рече Бегановиќ кој поради заканите на кои е изложен привремено е преместен од местото Трнови кај Велика Кладуша каде ја извршуваше должноста на имам.

Хусеин Босниќ е самопрогласен имам кој дејствуваше главно во областите на северозападна Босна. Уапсен е во септември 2014 година, а потоа и обвинет дека во изминатите две години поттикнувал други лица да им се придружат на исламистичките терористички организации на Блискиот исток./крај/мф/сн

Извор: Hina