Регион
Инциденти на Косово, во Гораждевац пукано на неколку куќи со српско население

Во понеделникот утрото во метохиското село Гораждевац било пукано на неколку куќи, возила и споменик кој се наоѓа во центарот на ова село, а инцидентите за среќа поминале без повредени, пишуваат српските медиуми.
Во понеделникот утрото во метохиското село Гораждевац било пукано на неколку куќи, возила и споменик кој се наоѓа во центарот на ова село, а инцидентите за среќа поминале без повредени, пишуваат српските медиуми.
Министерот за заедници и повраток во Владата на Косово, Далибор Јевтиќ за Танјуг изјавил дека инцидентот се случил утрото околу три часот и дека биле оштетени два автомобила. Пукано било на куќата на петчленото семејство Петровиќ, на која биле испукани пет куршуми, а еден куршум бил пронајден во тоалетот на куќата.
Јевтиќ изјавил дека напаѓачите се обиделе да го запалат и спомен обележјето на жртвите на НАТО бомбардирањето во центарот на селото и го демолирале споменикот.
Директорот на канцеларијата за Косово и Метохија, Марко Ѓуриќ, пак, ги повикал сите Срби на Косово да ја задржат присебноста и да не одговараат на провокациите. Според него, се работи за терористички напад од страна на албанските екстремисти.
„Ова терористичко дело е уште еден потсетник за тоа колку е ситуацијата во која живеат Србите во нашата јужна покраина далеку од нормална и стандардна, како и за тоа какви лица постојат во едно општество кое има за цел да стане дел од Европската унија“, оценил Ѓуриќ. Тој додал дека недвосмислена цел на нападите е застрашувањето на српското население на Косово за тоа повторно да се принуди на иселување и дека „кристалната ноќ во Гораждевац ги има сите обележја на тероризам“.
Мнозинството од Албанците на Косово не сака ескалација на насилството во своето опкружување, рекол Ѓуриќ и додал дека „привремените институции на самоуправување во Приштина сега имаат прилика да ја покажат својата зрелост така што ќе ги пронајдат сторителите на овој терористички акт“.
Српскиот владин преставник исто така апелирал и до меѓународната заедница, на оваа ситуација да реагира со најголема сериозност за да се избегне понатамошно загрозување на безбедноста на Србите и нарушување на кревката стабилност на Косово./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Снаата на убиените во Чачак повикала полиција: пожарникарите влегле во станот низ прозорецот

Јован (77) и Милица (72) Баковиќ синоќа околу 22 часот се убиени во семејниот стан во Чачак.
За убиството е осомничен нивниот син Михајло, а како што дознаваат медиумите, неговата сопруга повикала полиција.
„Беа прекрасни луѓе, синот им доаѓаше секој ден, не разбираме што можеше да се случи. Слушнав дека на Михајло му се слошило, но не знам за што се работи. Синоќа му се јавила сопругата, тој не одговорил. Ниту тие не се јавиле, па таа дошла во станот. Таа тропнала на вратата, но никој не одговорил, не знаела што се случило и ја повикала полицијата, која ги пронашол телата во станот“, изјавил соседот за медиумите.
Убиениот Јован бил лекар во пензија, според написите.
Припадници на МВР во Чачак го приведоа М. Б. (41) од Чачак поради сомнение дека сторил кривично дело тешко убиство.
Како што беше дополнително соопштено, тој е осомничен за кривично дело тешко убиство и се сомничи дека со остар предмет ги убил родителите. По наредба на Вишото јавно обвинителство во Чачак, одредена му е мерка притвор до 48 часа, во кој рок со поднесување кривична пријава ќе биде изведен на распит во Обвинителството.
Регион
Во хрватскиот Сабор едноминутно молчење за загинатите во Македонија

Хрватскиот Сабор, денеска, со едноминутно молчење им оддаде почит на 59-те лица што завчера загинаа во пожарот во Кочани, Македонија.
„Загубени се многу млади животи и во име на хрватскиот Сабор сакам да изразам сочувство до семејствата на жртвите и да им посакам брзо закрепнување на повредените“, изјави претседателот на Собранието, Гордан Јандроковиќ.
Во пожарот што завчера избувна во „Пулс“ во Кочани загинаа 59 млади лица, а повеќе од 150 се повредени.
Регион
Дачиќ: Полицијата не искористи ништо незаконски на протестот во саботата

Министерот за внатрешни работи Ивица Дачиќ денеска изјави дека Обвинителството ги истражува наводите дека на протестот на 15 март бил употребен звучен топ и нагласи дека полицијата не употребила ништо што е незаконско средство.
„Како човек што раководи со Министерството за внатрешни работи, можам да кажам дека несомнено е оти ние не користиме никакви незаконски средства, така што тоа е почетната точка на приказната што се однесува до нас, а сте слушнале дека и други државни органи го кажале приближно истото, дека српската полиција никогаш во историјата не користела таков тип на средства.
Што се однесува до звукот, нашата полиција има само уреди што се користат за погласни соопштенија на повици или предупредувања бидејќи, според законот, треба да предупредите некого пред да интервенирате кога станува збор за поголеми собири, тоа значи нешто како можеби погласен мегафон“, изјави тој за ТВ „Прва“. Додаде дека дури и тоа не било користено.
Дачиќ рече дека полицијата потоа соработувала со чуварите од Студентската блокада. Тој истакна дека никој од полицајците на терен не забележал ништо што се случило, освен она што подоцна беше соопштено, а кое е поврзано со наводна употреба на звучен топ.
„Имаше одредени дојави дека има луѓе со ножеви, пиштоли, дека е испукан топ, поради што луѓето во одреден момент се нервозни, но подоцна се смири. И тука полицијата ништо не забележала ниту, пак, снимила нешто што би покажало дека имало некој удар.
Од таа страна, уште еднаш ќе повторам дека немаме причина ништо да криеме“, рече Дачиќ.
Тој оцени дека проблемите треба да се решаваат со дијалог, дека е победа што сè заврши мирно во саботата и дека понатамошните чекори не зависат само од едната страна и дека сите заедно треба да видиме што ќе биде понатаму бидејќи, како што заклучи, блокадата на Србија не е решение, пренесува „Танјуг“.