Регион
Истрага по обвинувањата за корупцијата во Еулекс
Челникот на Европската полициско-правосудна мисија (Еулекс) на Косово, Габриеле Меучи, изјави во четвртокот дека „темелно ќе ги истражи“ обвинувањата за корупција на тројца челници на мисијата.
„Овие обвинувања ги сфаќаме многу сериозно“, изјави италијанскиот дипломат Габриеле Меучи, на прес-конференцијата во Приштина.Обвинувањата коишто британската обвинителка Марија Бамиех го изнесе против главната обвинителка на Еулекс, Јарослава Новотна од Чешка и поранешниот судија на Еулекс, Италијанецот Франческо Флорито ќе бидат предмет на „темелна истрга“.Обвинувањата „нема да бидат занемарени“, истакна Меучи на првата прес-конференција откако Британката во вторникот ги изнесе споменатите обвинувања за агенцијата AFP и некои локални медиуми.Еулекс кој денес има 1.500 вработени, беше основан во 2008 година, неколку месеци откако поранешната јужна српска покраина Косово и Метохија еднострано со поддршка на САД и главните земји од Европската унија прогласи независност, и мисијата има мандат да решава предмети кои ќе бидат оценети како премногу чувствителни за локалните судови.Одговарајќи во вторникот на прашање на AFP дали има основани сомневања дека високи функционери на Еулекс примале мито за да се откажат од решавања на чувствителните предмети, Бамиех одговори кусо и потврдно само со „да“.Британката ги обвини Новотна, Флорито и канадскиот обвинител Џонатан Рател дека примале мито од косовски кругови за да се откажуваат од судски прогони. Покрај тоа, го обвини Канаѓанецот дека се обидел да ја спречи во објавувањето на овие информации.„Не знам што за тоа мислат, но мојата задача како обвинител е да известам за таквите работи. Доколку не го сторев тоа, ќе ме обвинеа дека и самата сум учествувала во тоа“, изјави во вторникот.Меучи во четвртокот изјави дела Еулекс од 2013 година е запознаен со тие обвинувања и дека мисијата и „косовското правосудство покренале заедничка истрага“ за тој случај.„Се спроведува темелна истрага во согласност со она што е самата суштина на дејствувањето на Еулекс, односно борбата со корупцијата и со неказнивоста. Не можам да откријам во која фаза е моментално криминалистичката истрага“, додаде Италијанецот.Според приштинските медиуми, на Новотна и Флорито им биле понудени речиси 350 илјади евра за да отфрлаат обвиненија. Бамиех којашто во Еулекс работи од самит почеток на мисијата, односно од 2008 година, беше сменета од должноста минатата седмица, неколку денови пред избувнувањето на скандалот.„Не станува збор за санкција, туку за мерка, каква што се применува во ваквите ситуации“, тврди Меучи.„Сакаат да ме казнат поради она што јас, случајно, го открив работејќи ја својата работа“, изјави Бамиех во вторникот.Покрај тоа, изјави дека информациите со коишто располага, доколку бидат откриени, „ќе ја запрепастат Европската унија“. „Да, тоа ќе ги запрепасти ЕУ, бидејќи таа организација (Еулекс) троши пари на даночните обврзници, а не прави ништо за косовскиот народ“, изјави./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.