Регион
Изборни калкулации во Црна Гора: Клучот е кај малцинските партии
Демократската партија на социјалистите (ДПС), предводена од премиерот Мило Ѓукановиќ освои најмногу гласови на изборите во Црна Гора и 36 мандати, додека пак на обединетата опозиција и недостасуваат два мандати за да формира мнозинство, со што клучот сега е во малцинските партии и социјалдемократите кои се традиционални партнери на Ѓукановиќ, пренесуваат црногорските медиуми.
Црногорскиот парламент има 81 пратеничко место и за формирање на мнозинство се потребни 41 пратенички мандат. ДПС освои 41,1 отсто од гласовите, односно 36 мандати, а опозицијата пак освои вкупно 39 мандати.
Демократскиот фронт (ДФ), според досега обработените податоци има 20,4 отсто односно 18 мандати, а големата коалиција Клуч 10,6 отсто, односно девет мандати, соопштиле од црногорскиот Центар за мониторинг и истражување (ЦЕМИ).
Демократите на Алекса Бечиќ со 9,7 проценти имаат осум мандати, додека СДП освоила пет проценти од гласовите, што претставува четири мандати. Бошњачката партија освоила 3,3 отсто или два мандати, додека Социјалдеморкатите на Иван Брајовиќ 3,1 отсто од гласовите, или два мандати. Хрватската граѓанска листа (ХГИ) освоила еден мандат, исто како и коалицијата „Албанци одлучно“.
Лидерот на ДПС и премиер Мило Ѓукановиќ во неделата вечер прогласи победа на оваа партија и соопшти дека има 42 мандати со своите традиционални партнери. „Голема сила надвисна над малата Црна Гора. Не беше лесно“, порача Ѓукановиќ, додавајќи дека земјата го продолжува патот кон сигурна европска иднина.
Тој додал дека ДПС ја одбранила Црна Гора и нејзиниот пат кон евроатланските интеграции, и најавил дека партијата заедно со своите традиционални партнери, малцинските партии, брзо ќе ја формираат новата влада. Дури ако се обединат четирите најголеми опозициски партии, кои јавно декларираа дека нема да влезат во постизборна коалиција со ДПС на Ѓукановиќ, тешко дека ќе можат да формираат влада без поддршката на малцинските партии – оние на Бошњаците, Албанците и Хрватите, коментираат црногорските медиуми./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.