Регион
Јилдирим: Целта ни е Турција да не изгледа како земјите од третиот свет
Тие што го започнаа обидот за пуч се припадници на терористичката организација кои облекле војнички униформи, истакна турскиот премиер Бинали Јилдирим замолувајќи го народот да не ги поистоветува „овие крвници“ со турските оружани сили, бидејќи, како што истакна „и покрај тоа што обидот за воен удар започнал во дел од структурата на турската војска , тој нема ниту најмала врска со офицерите кои си ја сакаат татковината и народот.
Асуде А. Кочан, од Истанбул
Обраќајќи се по седницата на Владата во понеделникот во нејзино присуство во полн состав, Јилдирим ги изнесе најновите податоци по последните настани во земјата. Според нив бројот на загинатите во настаните при обидот за воен удар во Турција изнесува 208 лица од кои 60 се припадници на полицијата, тројца се војници и 145 се цивили. Бројот на повредените изнесува 1.491, а 7.543 лица се притворени, а од нив 218 се уапсени. Премиерот соопшти дека 24 пучисти биле убиени, а повредени биле 50, додека 316 пучисти се уапсени, за 2 745 лица од судството е покрената истрага, за околу 1.500 службеници од јавниот сектор се суспендирани. Премиерот Јилдирим укажа на разликата меѓу последниот обид и воениот удар од 12-ти септември 1980 година подвлекувајќи дека дури ни тогаш не било стреално врз граѓаните, ниту, пак, бил бомбардиран парламентот. „Но, тоа не е дело на турската војска, туку на терористичките единции кои се вгнездиле таму“, нагласи турскиот премиер.„Целта ни е Турција да не изгледа како земјите од третиот свет, да ја исчистиме од нелегални организации кои ја зацрнуваат иднината на нашите чеда. Мојот 12 годишен внук ме праша ‘Дедо, зарем ова не се наши војници, зошто ги убиваат луѓето? Не можев да му одговорам на ова. Но ние ќе дадеме таков одговор што целиот свет ќе го види“, низ плач кажа Јилдирим.На новинарското прашање дали освен движењето на Фетулах Ѓулен постојат и некои други сили или земји вмешани во овој пуч, премиерот одговори дека бунтот е започнат од страна на FETO (Терористичка организација Фетулах), но дали има други кои му се приклучиле ќе открие турското право. „Ниедно прашање нема да остане нерасветлено, бидејќи тоа е нашата најголема должност кон нацијата. САД се наш пријател, стратешки партнер и со нив имаме развиени односи во областа на безбедноста и трговијата. Им велам дека постои една глобална закана која сака да ѝ стави крај на демократијата на оваа земја и на нејзино место да донесе еден режим чие име е непознато, припадници на една организација на асасини, и доколку нашите пријатели за тој што им дава директива побараат докази, ние ќе се разочараме и тогаш на дневен ред можеби ќе дојде и преиспитување на нашето пријателство“, одговори турскиот премиер. Во врска на сѐ погласните барања за смртна казна за Фетулах Ѓулен, премиерот Јилдирим истакна дека Турција е правна држава, барањата на народот се наредба за нас, но не е добро да се одлучува за ова прашање под жестината на настаните, рече Јилдирим и подвлече дека тоа прашање треба детално да се разгледа и дека се работи за прашање за кое е потребно да се направат измени во Уставот. „Ние ниту однапред го отфрламе, ниту однапред го прифаќаме“, истакна турскиот премиер.
Во врска со воената состојба во земјата Јилдирим истакна дека воениот инвентар е под контрола и не постои можност да излезе вон неа.„Безбедноста на нашиот воздушен простор е под контрола, на некои места е затворен за летови и контролите продолжуваат деноноќно“, додаде Јилдирим.На новинарското прашање во врска со провокациите кон припадниците на партиите на опозицијата и тепањата на некои граѓани кои конзумирале алкохол, премиерот Јилдирим упати апел кон граѓаните да одбегнуваат провокации. „Денес не е ден за размислување за разликите во нашите размислувања, за разликите во облекувањето, туку ден за обединување за иднината на нашата земја“ одговори Јилдирим. /крај/ мф/аак
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Две тела најдени во стан во Крушевац, сомнежот е дека син ги убил родителите со нож, па се фрлил од зграда
Двојно убиство и самоубиство се случија утрово во семеен стан во Крушевац, а полицијата ги утврдува сите околности на овој случај. Според првите неофицијални информации од истрагата, млад човек извршил двојно убиство во семејниот стан, убивајќи ги своите родители со нож, по што извршил самоубиство скокајќи од зградата.
Случајот е откриен откако соседите пријавиле дека на тротоарот пред зградата има безживотно тело на маж. Кога полицијата и брзата помош пристигнале на местото на настанот, смртта била констатирана, а набрзо следел уште поголем шок.
При влегувањето во станот каде што мажот живеел со своите родители, припадниците на полицијата затекнале ужасна сцена. Телата на таткото и мајката биле пронајдени со бројни убодни рани во пределот на торзото и вратот.
Истрагата на лице место траела со часови, а полицијата, според информациите, го пронашла ножот со кој најверојатно е извршено злосторството.
„Местото на настанот било морничаво. На местото на злосторството било пронајдено ладно оружје со траги од крв, кое е испратено на вештачење“, изјавил извор близок до истрагата.
Регион
Кос: На крајот од 2026 година, ЕУ нема да биде поголема, но ќе биде поблиску до проширување
ЕУ ќе мора да ја искористи 2026 година за брзо да се движи кон амбициозно вклучување на Западен Балкан и Источна Европа во своите редови, или сегашната Комисија нема да има време за тоа при крајот на својот мандат, изјави европската комесарка за проширување Марта Кос.
Пред празниците, Кос разговараше со бриселскиот портал Политико за годината што завршува и нејзините очекувања за следната година.
„Ќе биде подобра (2026) од 2025 година“, рече Кос, инсистирајќи дека „дури и 2025 година беше многу успешна“.
Таа, исто така, рече дека во следните 12 месеци ќе бидат неопходни активности за да се обезбеди прием на нови членки на време.
„Зошто мислам така? Прво, тоа е геополитика. Второ, тоа е вистинското вклучување на некои земји-кандидатки“, изјави Кос за Политико.
Европската комесарка, исто така, рече дека не станува збор само за кандидатите, туку и за ЕУ - дали може да се справи со предизвиците.
„Дали е добро за нашата безбедност, дали ги пополнуваме празнините што ги оставивме во минатото? Да! Дали ни треба Украина во ЕУ? Да!“, истакна Марта Кос.
Како што рече словенечката еврокомесарка, до крајот на следната година ЕУ „сè уште нема да биде поголема“, но „ќе завршиме поблиску“ до целта за проширување.
„Веројатно тогаш ќе ги завршиме сите преговори со Црна Гора“, рече Кос.
Црногорскиот претседател Јаков Милатовиќ изјави за Политико дека напредокот на Црна Гора кон пристапувањето во ЕУ мора да се постигне во следната година, ако тоа треба да се постигне за време на мандатот на оваа европска комисија.
Милатовиќ рече дека е оптимист дека за време на шестмесечното претседателство на Кипар во ЕУ од 1 јануари, ќе се формира работна група под покровителство на Советот за изготвување на договорот за пристапување на Црна Гора.
„Тоа е навистина голем чекор. Тоа сигурно ќе значи дека Црна Гора ќе стане 28-ма членка на ЕУ во 2028 година“, рече црногорскиот претседател.
Регион
(Видео) Вучиќ: Дојдeте, стрелајте, направете го тоа, бидејќи во спротивно нема да можете да победите во Србија
Српскиот претседател Александар Вучиќ одговори на повиците за негова ликвидација со N1, пишуваат тамошните медиуми.
Тој на својот Инстаграм профил напиша:
„Тоа би бил единствен случај во историјата, стрелате во човек во чие време вработеноста беше на највисоко ниво, невработеноста на најниско ниво во историјата на Србија. Единствениот пат во историјата на Србија кога имавте стабилен девизен курс на националната валута. Го стрелате човекот во чие време, вашите плати беа највисоки во историјата. Пукате во човек во чие време вашите пензии беа највисоки во историјата. Пукате во човек во чие време беа изградени најмногу патишта. Го стрелате човекот во чие време беа изградени најмногу железници и брзи железници. Го стрелате човекот кој го изгради и го направи сето ова за вас. Со фактот дека вие, со најбесмислената реченица „тоа се наши пари“, се обидувате да релативизирате сè. Само не ме молите да бидам кукавица како вас и да носам превез на очите. Дојдете, пукајте, завршете го тоа, бидејќи поинаку нема да победите во Србија.“
Фото: депозитфотос
По рускиот напад над 2.600 станбени згради, 187 градинки, 138 училишта и 22 социјални згради се без греење во Киев
Околу 600.000 потрошувачи во Киев и околниот регион останаа без електрична енергија. Енергетските екипи се на терен и вложуваат максимални...
Две тела најдени во стан во Крушевац, сомнежот е дека син ги убил родителите со нож, па се фрлил од зграда
Двојно убиство и самоубиство се случија утрово во семеен стан во Крушевац, а полицијата ги утврдува сите околности на овој...
Расте бројот на повредени во рускиот напад врз Киев
Бројот на повредени во рускиот напад со беспилотни летала и ракети врз Киев се искачи на 19, објави Укринформ. „Вкупниот...
Уште трае рускиот напад, во Киев нема струја и парно, има и загинати
Речиси 9 часа Киев ноќеска беше под опсада. Во градот воздушната опасност сè уште е на сила поради заканата од...
Има повредени во рускиот напад врз Киев
Пет лица се повредени во рускиот напад врз Киев синоќа, објави градоначалникот на главниот град, Виталиј Кличко, на Телеграм, цитиран...
(Фото+Видео) Се шират снимките од бруталниот напад на Киев, станува сè полошо
Аеродромите во Жешов и Лублин во југоисточна Полска беа привремено затворени откако полските вооружени сили испратија борбени авиони како одговор...
Намалена видливост поради магла на неколку патни правци
Намалена видливост поради појава на магла до 100 метри има на планинските превои Стража и Ѓавато, до 30 метри на...
(Видео) Британските ракети „Сторм Шедоу“ погодија клучна руска рафинерија
Украина потврди дека употребила британски крстосувачки ракети „Сторм Шедоу“ за напад врз голема рафинерија за нафта во Русија, нанесувајќи нов...
Зоран Трајчевски ќе продолжи да ја води АВМУ и во наредните пет години
Зоран Трајчевски ќе продолжи да ја води Агенцијата за аудио и аудиовизуелни медиумски услуги и во наредните пет години, откако...
Уапсен полицаец за изнуда: поднесена кривична пријава, следува суспензија од работното место
По претходна пријава од граѓанин за сторено кривично дело „изнуда“ од полицискиот службеник Х.З.(48) во Одделението за криминалистички работи Гази...
По случајот со починатото новороденче на ГАК, Комисијата за стручен надзор констатирала дека реанимациската постапка е спроведена по протокол
Комисијата за стручен надзор за случајот со починатото новороденче на ГАК констатирала дека реанимациската постапка е спроведена по протокол, соопшти...
Се наплаќале ПАП-тестови и други услуги што ги покрива Фондот за здравство: извршени контроли поради претставки од граѓаните
Денес, директорите на Управата за јавни приходи и Фондот за здравствено осигурување одржаа заедничка прес-конференција на која го презентираа извештајот...
Дислокацијата на цементарницата не е проблем, но не може како на шведска маса да бираме што да анализираме, а што не, вели Мицкоски
Премиерот Христијан Мицкоски смета дека решението за воздухот во Скопје е системско, кое ќе понуди алтернативен начин за загревање на...
Мицкоски: Набавени нови 120 полициски возила за униформираната полиција
Безбедноста и расчистувањето на криминалот и корупцијата во државата се наш врвен приоритет како Влада, а Министерството за внатрешни работи...
Беким Сали ја презеде функцијата министер за европски прашања
Денеска, во Министерството за европски прашања беше извршено примопредавање на функцијата министер за европски прашања по вчерашната одлука на Собранието,...
Пановски предупредува: Се шират лажни видеа со мојот лик, не купувајте такви производи
Микробиологот, професор и доктор Никола Пановски преку објава на Фејсбук предупреди дека повторно се шират лажни видеа и реклами со...
Советот на Град Скопје изгласа иницијатива за дислокација на цементарницата „Усје“
Советот на Град Скопје едногласно ја прифати иницијативата за дислокација на цементарницата „Усје“, поднесена од Зелен хуман град, по 13-часовна...
Уапсен кумановец на Табановце, шверцувал стари монети
Полицијата уапси кумановец на Граничниот премин Табановце, во неговото возило биле пронајдени стари монети. Вчера во 20:18 часот на Граничен...
Филипче да одговори дали има удел во бизнисот на Заев за изградба на 42-катницата во Дубаи, бара ВМРО-ДПМНЕ
СДС продолжува на дневна основа да штанца долги, бесмислени и конфузни соопштенија без никаква суштина, но ги нема збор да...
Полска пресретна руски авион над Балтикот, воздушниот простор е нарушен од Белорусија
Полска испрати борбени авиони да пресретнат руски извидувачки авион што леташе близу до нејзиниот воздушен простор над Балтичкото Море и...
