Регион
Кери: Договорот за повторно обединување на Кипар е на дофат

Американскиот државен секретар Џон Кери во четврток вечер во Никозија изјави дека договорот за повторно обединување на Кипар, е на ‘дофат на раката’.
„Уверен сум дека повеќе од било кога дека решението за поделба на Кипар е на дофат на раката“, рече Кери, кој од Белград, каде што учествуваше на министерскиот состанок на ОБСЕ, стигна во Никозија на одвоени разговори со лидерите на кипарските Грци и Турци.
Кери рече дека надежите за постигнување договор „повторно се оживеани“ откако лидерите на поделениот остров во мај започна преговори под закрила на Обединетите нации(ОН).
Преговорите за обединување се водат со децении. Двете страни се обидуваат да се договорат околу овластувањата на заедничката држава, враќањето на имотите на Грците во турскиот дел, за судбината на исчезнатите, како и за статусот на Турците што во меѓувреме се доселиле на островот.
Република Кипар бара од Анкара од нејзината територија да ги повлече окупационите трупи. /крај/бл/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Авион на српската армија со 12 повредени во пожарот во Кочани пристигна во Белград

Дванаесет пациенти повредени во пожарот во дискотека во Кочани вчера вечер се пренесени од Македонија во Белград со авион CASA C-295 на српската армија, кои ќе бидат згрижени во Воената медицинска академија и во Клиничкиот центар на Србија, јави Танјуг.
Претходно, авион со четворица лекари и четворица медицински техничари полета за Македонија за медицинска евакуација на повредените во несреќата. Двајца пациенти кои претходно биле пренесени од Македонија со воени амбулантни возила се на лекување во Воената болница Ниш и Клиничкиот центар Ниш. За да им се пружи помош на повредените, планирано е двајца лекари од ВМА (пластичен хирург и анестезиолог) и еден медицински техничар – инструмент-оператор да останат во Македонија, пренесе српски Телеграф.
Најмалку 59 лица загинаа во пожарот што избувна ноќта меѓу саботата и неделата во дискотеката „Пулс“ во Кочани.
Регион
Новак Ѓоковиќ го објави македонското знаме со црна панделка

По големата трагедија се случи во Кочани, Македонија, каде што најмалку 59 лица го загубија животот по пожар во дискотека се огласи и српскиот тенисер Новак Ѓоковиќ.
Тој на социјалните мрежи го објави знамето на Македонија со црна позадина, испраќајќи поддршка до семејствата на загинатите и повредените.
Регион
(Фото+видео) Над 500.000 луѓе излегоа на протестот во Белград, пишуваат српските медиуми

Студентски протест наречен „15 за 15“ беше организиран денеска во центарот на Белград. Масовноста на денешниот собир ќе се процени во наредните денови, но српските медиуми тврдат дека ова е еден од најголемите одржани досега во Србија.
Божо Прелевиќ, адвокат и поранешен министер за внатрешни работи на Република Србија, за порталот Нова.рс зборуваше за тоа колку луѓе присуствуваа на денешниот собир.
„Во моментов сум на протестот и можам да ви кажам дека Теразије, плоштадот Никола Пашиќ, улицата Крал Милан и плоштадот Славија се преполни… Како некој што учествуваше на 5-ти октомври, морам да кажам дека овде има повеќе луѓе и според мое верување, на протестот има повеќе од 500.000 луѓе. Не можам да проценам, затоа што е едноставно неразбирливо. Само што го поминав Зелени Венац, кој исто така е полн, а луѓето доаѓаат преку мостовите“, рече Прелевиќ.
Beograd je opet svet❤️✊ pic.twitter.com/ppWxZlndZh
— Lazar Stojakovic (@StojakovicL_) March 15, 2025
Според проценките на српското МВР, во пикот на протестот имало 107 илјади луѓе.
Протестот во Белград се одржува по масовните собири организирани од студентите во Нови Сад, Крагуевац и Ниш.
ŽIVJETI SLOBODNO! ❤️ #Beograd pic.twitter.com/wBAfUQEuF4
— Илијана Милановић (@m_ilijana) March 15, 2025
Неколку дена претходно, студентите тргнаа пеш од неколку правци кон Белград, каде што пристигнаа во петокот вечерта, а во главниот град им беше приреден свечен пречек.
Ovo nikad nije bilo! pic.twitter.com/cgzJUg1CR1
— Tijana Kojović (@tkojovic) March 15, 2025
Ne Beograd, ovo svet video nije.. 🇷🇸🇷🇸🇷🇸 pic.twitter.com/zdbEGUaYL0
— Ivana (@Ivana66157567) March 15, 2025
Beograd je danas najlepši grad na svetu 💚 pic.twitter.com/ya1GJ7gKSk
— Zeleno-levi front (@nedavimobgd) March 15, 2025
"Gde god da odem taj grad me prati, Beograd moj sebi me vrati" ♥️🇷🇸 pic.twitter.com/KFIdXCwfpN
— Igor Vujanović (@Infoverzum) March 15, 2025