Дваесетгодишен маж од Косово е обвинет за хакирање лични податоци на повеќе од илјади вработени во американската војска во средата пред американскиот сојузен суд ја призна вината за давање поддршка на борците на џихадистичката сунитска организација Исламска држава, објави Стејт департментот.

Станува збор за дваесетгодишниот Ардит Феризи, попознат во хакерските кругови како Th3Dir3ctorY, кој ја признал вината и за пристапување кон и за кражба на информациите од заштитен компјутер без авторизација, стои во соопштението на американскиот Стејт департмент.

Феризи ја признал кражбата на личните податоци на повеќе од илјада вработени во американските армија и полицаја, коишто ги проследил на Исламската држава, знаејќи дека тие планираат тоа да го искористат против тие лица да изведат терористички напади, изјави заменикот државен обвинител Џон Карлин.

Ферези е уапсен од полицијата на Малезија кон средината на септември минатата 2015 година, по добиена информација од американските власти, кои го осомничија дека претходно во јуни незаконски прибавил лични податоци на повеќе од 100.000 американски државјани, војници и вработени во федералните служби.

Косоварот во Малезија влегол во август 2014 година за студирање компјутерски и форензички студии, и се верува дека е лидер на косовската хакерска група наречена Kosova Hacker’s Security (KHS)./крај/мф/сн

Извор: Reuters