Регион
Косовската опозиција кампува пред владата и бара нејзина оставка
Повеќе стотици демонстранти кои веќе минаа една дождлива ноќ пред зградата на владата во Приштина, предвидуваат таму да останат до нејзината оставка и откажување од договорот за нормализација на односите со Србија, постигнат со посредство на Европската унија.
Косовската опозиција во вторникот најави дека има намера без прекин да протестира до паѓањето на владата на премиерот Иса Мустафа. Тие наспроти зградата на владата подигнаа шеесетина шатори, и на демонстрантите им обезбедија пијалаци и храна.
„Овој режим се обидува насилно да ги покрене спогодбите и не поднесе оставка. Ќе останеме тука 24 часа дневно, седум дена во седмицата“, изјави еден од челниците на опозицијата Рамуш Харадинај.
Косовската опозиција се спротиставува на договорот за нормализација на односите со Србија, склучен во 2013 година под покровителство на Европската унија. Тие го сметаат за штетен за интересите на поранешната јужна српска покраина, каде албанските власти еднострано во 2008 година со поддршка на главните земји од ЕУ и САД прогласија независност по судирите во 1999 година кои завршија со ударите на НАТО врз Србија.
Висар Имери, од радикалното движење Самоопределување, изјави дека опозицијата е подготвена да ја спречи намерата на коалицијата на власта следните денови да го избере поранешниот премиер и актуелен шеф на дипломатијата Хашим Тачи на должноста претседател на Косово.
На Косово претседателот го бира парламентот по најмногу три изборни круга. Доколку не се дојде до избор, парламентот мора да се распушти и се свикуваат предвремени парламентарни избори во рок од 45 дена. Пратениците тоа мора да го извршат до 7-ми март, бидејќи според уставот претседателот мора да се избере најдоцна еден месец пред крајот на петгодишниот на актуелната претседателка Атифете Јахјага, или на 7-ми април. Се очекуваат тешки избори во парламентот, бидејќи од ланскиот октомври опозицијата успешно го попречува работењето на парламентот, особено со фрлање солзавец на пленарните седници./крај/мф/мн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Брод со четири лица се преврте на реката Уна во БиХ, две лица испливаа
Денеска околу 7:15 часот полицијата во Сисак добила пријава од граничната полиција на БиХ дека чамец со четири лица се превртел на територијата на Босна и Херцеговина кај градот Вриоци.
Две лица допливале до брегот на Уна на територијата на Босна и Херцеговина, а потрагата по две лица се уште трае.
На местото на настанот излегле припадници на ХГСС со пловен објект, кои со помош на полицијата интензивно трагаат по исчезнати лица.
Регион
Злосторство во Тузла: мајка со чекан си ја убила ќерката, оставила две проштални писма
Незаборавно злосторство се случи во Босна и Херцеговина, пренесуваат локалните медиуми.
64-годишен маж, утринава, околу 1.15 часот во полициската станица ПС Центар пријавил дека во семејниот дом во Тузла го пронашол безживотното тело на 31-годишната ќерка.
Полицијата излегла на самото место и ги потврдила наводите од пријавата за што веднаш било известено Кантоналното обвинителство на Тузланскиот кантон, извести МУП ТК, пренесе „Аваз“.
„Во текот на истрагата е констатирано дека жената имала повреда во задниот дел на главата. Денеска ќе биде наредена обдукција за да се утврди точната причина за смртта“, изјави Адмир Арнаутовиќ, портпарол на Обвинителството ТК.
Според последните информации, како што пренесуваат тамошните медиуми, станува збор за кривично дело, кое, според првите индиции, најверојатно, го извршила мајката на 31-годишна девојка. На самото место истражителите пронашле две проштални писма, како и предметот со кој, сметаат истражителите, е извршено делото. Очигледно се работи за чекан.
Девојката која е убиена наводно била тешко болна.
Регион
(Видео) „Целата беше помодрена од студот“: мајка и ќерка ја опишуваат борбата за живот во поплавите во БиХ
Лејла Залихиќ, жителка на Бутуровиќ Поле, е една од оние што ги преживеаја драматичните поплави во Босна и Херцеговина. Приказната за борбата за нејзиниот и животот на ќерка ѝ Асја ја замрзнува крвта во вените, пренесува„Ал џезира“.
Луѓето се спасуваа како што се снаоѓаа. Некој беше качен на покривот на куќата, некој на куполата на џамијата. За тоа најдобро сведочат приказните на самите локални жители, кои не може да се споредат ниту со најстрашните сценарија на холивудските филмови кога се во прашање природните катастрофи, анализира медиумот.
Borba majke i trinaestogodišnje kćerke u Buturović Polju je herojska. Majka i 13-godišnja kćerka govore o svojoj borbi za život.. pic.twitter.com/aBpfkgZQ1H
— Al Jazeera Balkans (@AJBalkans) October 6, 2024
Според написите, Лејла Залихиќ е мајка херој, која скокнала од третиот кат од својата куќа, испливала три километри во пороите и ја спасила својата 13-годишна ќерка за време на катастрофалните поплави што го зафатија Бутуровиќ Поле.
Лејла, ќерка ѝ, сопругот и свекрвата ноќта на катастрофалните поплави завршиле во поплавата, а нивната куќа била уништена.
По страшниот настан, Лејла и ќерка ѝ раскажале што им се случило.
„Мене ме однесе водата. Се вртев во круг и така зедов воздух“, се присетува Лејла.
„Слушнав како некој вика, викаше за помош и го викаше моето име. Мислев – нема кој друг да биде, освен мајка ми или баба ми“, раскажува ќерката на Лејла, Асја, а Лејла додава:
„Јас велам: „Асја, ти си тоа? Таа вели: „Јас сум“. Потоа добив сила, се нурнав меѓу дрвјата. Ме удри во главата, но некако стигнав до неа, цела беше помодрена од студот“.
Ќерката на Лејла, Асја, се присетува како успеала да остане на површината.
„Ставив малку дрва под мене за да не морам да пливам, туку да се одржувам на површината на водата. Во меѓувреме се раздени, па можев да гледам. Потоа поминавме низ шумата. Дождот удри уште посилно, беше студено, беше страшно“, опишува таа.