Регион
Курц: Западен Балкан и е потребен на Европа

Министерот за надворешни работи на Австрија, Себастијан Курц порачал дека европскиот мировен проект нема да биде завршен без членството на земјите од Западен Балкан во Европската унија (ЕУ), пренесуваат светските агенции.
Во неделното видео обраќање, во кое австрискиот министер одговара на прашања од граѓаните, тој беше запрашан околку тоа која земја мисли дека ќе биде следната членка на Унијата. „Тоа е доста долг процес и дури кога стандардите кои се поставени од Унијата ќе бидат исполнети, постои шанса за членство“, рекол Курц, додавајќи дека има голем број на држави кои се наоѓаат во пристапни преговори со Унијата.
Според Курц земјите од Западен Балкан треба да имаат европска перспектива, бидејќи само тогаш европскиот мировен проект би бил комплетиран. Курц изјавил дека Австрија би профитирала од европската перспектива на земјите од Западен Балкан, бидејќи се наоѓа доста блиску до тој регион.
„Имаме и голем број на компании кои се таму активни, така што голем број на работни места зависат од тоа. Исто така безбедноста на Австрија е во непосредна врска со состојбата на Западен Балкан. Подобрувањето на приликите на Западен Балкан се одразува не само на нашата економија, туку и безбедност“, рекол Курц./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Трета жртва од тешката сообраќајка во Сремска Митровица – почина за време на операцијата

Уште едно лице загинало по сообраќајната несреќа што се случи денес во Сремска Митровица, кога автобус се преврте и излета од патот. Ова е третата жртва на ужасната сообраќајна несреќа.
Како што објави „Н1“, лицето загинало за време на операцијата.
Како што претходно беше објавено, возачот на автобусот е приведен и во притвор до 48 часа.
Повредени се околу 80 лица. Причините за несреќата засега не се познати.
Регион
Вучиќ: Србија ќе се приклучи на развојот на руската вакцина против рак

Претседателот на Србија, Александар Вучиќ, изјави дека разговарал со Александар Кецман, директор на Институтот „Гамалеја“ во Москва, кој го информирал дека во Русија се развива вакцина против рак.
„Ми објаснија одредени работи. Имаме голем процент на заболени од рак. Оваа вакцина е поинаква, бидејќи им помага на веќе болните луѓе — не е превентивна. Може да биде успешна до 85 проценти,“ рече Вучиќ.
Тој додаде дека Србија ќе се вклучи во проектот веднаш штом Русија го дозволи тоа:
„Ќе подготвиме целосна инфраструктура за да бидеме спремни за два до три месеци. Не можеме уште да ја произведуваме, но ќе направиме сè за да бидеме подготвени.“
Вучиќ нагласи дека во Србија има повеќе случаи на малигни заболувања отколку во другите земји, што, според него, е поврзано со последиците од бомбардирањето во 1999 година.
Регион
Возачот на автобусот приведен по тешката несреќа кај Сремска Митровица: две жртви и 80 повредени

Возачот на автобусот кој денеска се преврте кај Сремска Митровица е приведен и му е одредено задржување до 48 часа, соопшти српското Министерство за внатрешни работи (МУП), пренесе „Н1“.
Во несреќата загинаа две лица, а околу 80 се повредени. 35 повредени лица се згрижени во Општата болница во Сремска Митровица, една личност е пренесена во Клиничкиот центар на Војводина, а уште една е во операциона сала. За останатите се врши дијагностика.
Автобусот на компанијата „Сирмиум бус“, кој превезувал работници од фирмата „Хелткеар“, излета од патот и се преврте на кров од засега непознати причини. Несреќата се случи околу 14:45 часот.
Полицијата го затвори патот и не дозволува пристап до местото на несреќата, а на лице место излезен е и јавен обвинител за да ја утврди причината за трагедијата.