Регион
Мајката на грчкиот премиер се жали оти синот ни јаде, ни спие

Мојот Алексис во последно време ниту јаде, ниту спие, вели мајката на грчкиот премиер Аристи Ципрас во интервјуто за грчкиот неделник Parapolitika, и се жали дека синот повеќе нема време ниту за неа.
„Во последно време мојот Алексис, ни’ јаде, ни’ спие, но нема избор, должен е кон народот кој му укажа доверба“, вели за саботното издание на неделникот 73-годишната Аристи Ципрас.
„Многу ретко го гледам во последно време. Постојано е на релација аеродром – парламент. Нема време ниту за сопствените деца. Па како да има време за мене?“, вели загрижената мајка на грчкиот премиер.
„Кога разговараме, му велам секогаш да води сметка за својата земја, но и да внимава на себеси. Ми одговара да не се грижам и дека на крајот сé ќе биде добро“, додава госпоѓа Ципрас.
Неделникот забележува дека на фотографиите од последниот период четириесетгодишниот премиер изгледа заморено, загрижено често со раката потпирајќи си го челото, додека седи во парламентот кој минатиот четврток усвои низа тешки реформи, кои беа критикувани од повеќе влијателни членови на неговата Сириза./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.