Регион
Меркел предупредува на можно ширење на влијанието на Русија
Германската канцеларка ангела Меркел изјави дека не ја смета кризата во Украина за регионален конфликт, и според неа тој се однесува на сите, истовремено предупредувајќи на можното ширење на влијанието на Русија против којашто Западот воведе санкции токму поради украинската криза.
„Станува збор не само за Украина. Станува збор за Грузија, за Молдавија, но доколку тоа оди натаму, може да се работи и за Србија, за земјите од западен Балкан“, изјави германската канцеларка Ангела Меркел во австралиски Сиднеј, цитирана од Frankfurter Allgemeine Zeitung. Според Меркел, „украинската криза, во ниеден случај не е регионална работа“.
„Не, во овој случај, гледаме дека тој се однесува на сите“, додава канцеларката посочувајќи на случајот со малезискиот авион на летот МН17 кој во јули доживеа катастрофа во југоисточна Украина, каде што се водат борбите меѓу силите лојални на прозападните киевски власти и проруските бунтовници, за чиешто можно уривање меѓусебно се обвинуваат и Киев и Москва.
Според Меркел, западните земји во нивните реакции на украинските собитија мора да дејствуваат заедно. „Најголемата опасноста е тоа што не смееме да си дозволиме разногласие“, вели канцеларката. Додава дека Европа и САД „мора да го продолжат патот“ по кој заедно одат кон решавање на конфликтот.
„Нема да престанеме да се обидуваме да се дојде до преговори со Русија за дипломатското решение на конфликтот“, порачува Меркел./крај/мф/сн
Извор: Frankfurter Allgemeine Zeitung
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024
Регион
(Видео) Невреме во Словенија: по обилните дождови се излеа река, поплавени патишта, подруми и ниви
Реката Соча и нејзините притоки на запад од Словенија се излеаjа по обилните дождови во областа Бовец и поплавија патишта, подруми и ниви, јавија денеска словенечките медиуми.
Противпожарните служби евакуирале 30 лица откако одрон го блокирал патот во градот Лепена, јавува агенцијата СТА.
Едно лице е повредено при отстранување на паднато дрво во општина Толмин.
Дирекцијата за цивилна заштита и помош при катастрофи соопшти дека пожарникарите цела ноќ ја испумпувале водата од подрумите и ги отстранувале паднатите дрвја од коловозите.
Во западните делови на земјата врнежите се ослабени од четвртокот навечер, а невремето денеска го зафати и источниот дел на Словенија.
Најголемо количество врнежи се регистрирани во Бохињ и Посочје, објави порталот Метеоинфо.
Рекордни врнежи за Словенија се забележани во Вогел кај езерото Бохињ, при што за 24 часа наврнале 378 литри дожд на метар квадратен.