Регион
Милановиќ: Србија нека ги испраќа бегалците во Унгарија и Романија

Хрватскиот премиер Зоран Милановиќ во вторникот изјавил дека знае оти „Србија има договор со Унгарија“ и затоа организирано ги испраќа бегалците во Хрватска, пренесуваат хрватските медиуми.
Милановиќ на својот српски колега Александар Вучиќ му порачал дека штетата поради затворањето на граничниот премин Бајаково – Батровци допрва ќе следи и дека таа ќе биде поголема за Србија, отколку за Хрватска.
„Штетата поради затворањето на Бајаково е поголема за српската економија, отколку за хрватската. Тоа не е добро, но ние не сме будали, па видете што прават“, рекол Милановиќ. Хрватскиот премиер, исто така, додал дека земјите кои се најмалку загрозени, како на пример Унгарија, „прават шоу“.
„Зошто? За тоа ќе одговараат пред Господ. Не ја прозивам Србија, но можам да и порачам малку да го намали тонот и како што се вели во вицевите, малку да „шара“ и да ги праќа бегалците во Унгарија и Романија“, порачал Милановиќ.
Милановиќ додал дека во Брисел на состанокот со останатите европските лидери ќе разговара околу тоа како бегалската криза да се реши во изворот, односно во Грција и Турција.
„Нормално и конструктивно, во цивилизиран тон разговарам со оние на кои им е најтешко. Тоа се Австрија и Германија, а и Словенија, на која и е нешто полесно. А кои се најгласни? Оние кои се обичен коридор“, додал хрватскиот премиер./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двокатен автобус oд Косово се заглави под подвозник во Загреб

Автобус од Косово се заглави пред најпознатиот подвозник во Загреб на улицата Мирамарска.
Возачот на автобусот се обидел да помине под подвозникот висок 3,65 метри.
Инцидентот предизвикал голем метеж во градското подрачје, пренесе „Индекс“.
Регион
Парламентарни избори во Албанија, Рама се бори за четврти мандат, а Бешира за враќање на власт по 12 години

Албанците денес гласаат на 11, парламентарни избори по падот на комунистичкиот режим. Право на глас имаат 3.721.116.
Лидерот на Социјалистичката партија Еди Рама, кој е премиер од 2013 година се бори за четврти мандат, а Сали Бериша, поранешен премиер и лидер на Демократската партија, се надева на враќање на власт по 12 години.
На овие избори, првпат, ќе гласа и албанската дијаспора. Прифатени се апликации на 245.93 лица надвор од земјата.
Во 12 изборни единици, на 5.225 избирачки места Албанците гласаат за 140 нови пратеници.
Регион
Српски бизнисмен брутално претепан во Загреб, крвав лежел пред хотел

Саша Мирковиќ, српски претприемач, музички продуцент и сопственик на „Хајп телевизија“, бил претепан пред хотел во центарот на Загреб, објавија српските медиуми.
Според нивните наводи, Мирковиќ и уште еден маж се сретнале на влезот во хотелот, по што дошло до вербален конфликт кој прераснал во физичка пресметка. Српски Телеграф објави снимки на кои се гледа како крвавиот Мирковиќ лежи на тротоарот, веднаш по тепачката.
Набрзо пристигнала брза помош и го однела во болница.