Регион
Могерини уверена дека ЕУ ќе ѝ ги исплати на Турција трите милијарди евра
Високата претставничка на Европската унија за надворешна политика и безбедност, Федерика Могерини, изјави во понеделникот во Анкара дека е убедена оти Брисел ќе ги исплати ветените три милијарди евра за Турција во замена за нејзината помош во зауздување на приливот бегалци во Европа, а еврокомесарот за соседска политика и проширување, Јоханес Хан, додаде дека ЕУ внимателно следи дали турските мерки влијаат врз намалувањето на бројот на имигрантите.
„Многу сум убедена дека сумата за која е донесена одлука ќе биде тука во разумен рок“, и оти ЕУ мора да стори повеќе за да ѝ пружи поддршка на Турција во нејзиното згрижување на бегалците, рече високата претставничка за надворешна политика и безбедност, Федерика Могерини, којашто во понеделникот придружувана од еврокомесарот за соседска политика и проширување, Јоханес Хан, се сретна со турскиот државен врв.
Хан, од своја страна, изјави дека ЕУ внимателно следи дали влијаат чекорите што ги презема Турција во поглед на рекордниот прилив на имигранти во Европа, откако со Анкара беше постигнат договорот за сумата од три милијарди евра за зауздување на неконтролираната миграција на европскиот континент.
„Системот на бегалците кои минуваат низ Турција се променил и Сиријците кои бегаат пред граѓанската војна сега сочинуваат помалку од 40 отсто“, изјави Хан на прес-конференцијата по разговорите со турските функционери.
Могерини дополни дека е многу важно да се започне процесот на политичката транзиција во Сирија со подобрите хуманитарни услови на теренот.
Додаде дека ја споделува загриженоста со турските министри за надворешни и за европски прашања во врска со ситуацијата на курдскиот југоисток на Турција, каде, според наводите на набљудувачите, убиени се повеќе од 150 цивили во текот на безбедносните операции против милитантите. Могерини, исто така, повика на обновување на мировните преговори и на постигнување примирје.
Во врска со ова прашање Хан рече дека ЕУ е подготвена да работи заедно со Турција на мировниот процес со курдските бунтовници, по новиот бран насилства кои започнаа ланскиот јули.
Еврокомесарот се осврна и на прашањето на слободата на изразувањето во Турција, велејќи дека ЕУ смета дека тоа претставува главен предуслов во турските преговори за придружување, кога нејзината влада е обвинета за автократско задушување на слободите и справување со критиките на нејзина сметка./крај/мф/с
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) „Целата беше помодрена од студот“: мајка и ќерка ја опишуваат борбата за живот во поплавите во БиХ
Лејла Залихиќ, жителка на Бутуровиќ Поле, е една од оние што ги преживеаја драматичните поплави во Босна и Херцеговина. Приказната за борбата за нејзиниот и животот на ќерка ѝ Асја ја замрзнува крвта во вените, пренесува„Ал џезира“.
Луѓето се спасуваа како што се снаоѓаа. Некој беше качен на покривот на куќата, некој на куполата на џамијата. За тоа најдобро сведочат приказните на самите локални жители, кои не може да се споредат ниту со најстрашните сценарија на холивудските филмови кога се во прашање природните катастрофи, анализира медиумот.
Borba majke i trinaestogodišnje kćerke u Buturović Polju je herojska. Majka i 13-godišnja kćerka govore o svojoj borbi za život.. pic.twitter.com/aBpfkgZQ1H
— Al Jazeera Balkans (@AJBalkans) October 6, 2024
Според написите, Лејла Залихиќ е мајка херој, која скокнала од третиот кат од својата куќа, испливала три километри во пороите и ја спасила својата 13-годишна ќерка за време на катастрофалните поплави што го зафатија Бутуровиќ Поле.
Лејла, ќерка ѝ, сопругот и свекрвата ноќта на катастрофалните поплави завршиле во поплавата, а нивната куќа била уништена.
По страшниот настан, Лејла и ќерка ѝ раскажале што им се случило.
„Мене ме однесе водата. Се вртев во круг и така зедов воздух“, се присетува Лејла.
„Слушнав како некој вика, викаше за помош и го викаше моето име. Мислев – нема кој друг да биде, освен мајка ми или баба ми“, раскажува ќерката на Лејла, Асја, а Лејла додава:
„Јас велам: „Асја, ти си тоа? Таа вели: „Јас сум“. Потоа добив сила, се нурнав меѓу дрвјата. Ме удри во главата, но некако стигнав до неа, цела беше помодрена од студот“.
Ќерката на Лејла, Асја, се присетува како успеала да остане на површината.
„Ставив малку дрва под мене за да не морам да пливам, туку да се одржувам на површината на водата. Во меѓувреме се раздени, па можев да гледам. Потоа поминавме низ шумата. Дождот удри уште посилно, беше студено, беше страшно“, опишува таа.
Регион
Во поплавите во Босна загина поранешен фудбалер, го пронашле гушнат со сопругата
Меѓу жртвите во поплавите во Босна и Херцеговина е и еден поранешен фудбалер – Јасмин Чилиќ, кој до пред извесно време настапувал за нисколигашот „Клис“ од Бутуровиќ Поле.
Неговото безживотно тело било пронајдено во прегратка со сопругата, која исто така го загубила животот.
„ФК ‘Клис’ изразува сочувство до семејствата, пријателите и познајниците на сите жртви. Во Бутуровиќ Поле меѓу жртвите и исчезнатите има наши долгогодишни навивачи, а поплавата во Јабланица му стави крај на животот на поранешниот фудбалер на ФК ‘Клис’, Јасмин Чилиќ“, се вели во објавата на овој босански клуб.
Најмалку 20 лица загинаа во поплавите што деновиве ја погодија БиХ. Најпогодени беа Јабланица, Коњиќ, Кисељак, Крешево и Фојница, а беа прогласени денови на жалост и сите спортски настани во земјата минатиот викенд беа одложени.
Регион
Два земјотреса во Грција: првиот удар 4,6 степени, а вториот 4,9
Два силни земјотреса утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил на островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.