Балканот е најголемата безбедносна дупка во Европската унија којашто ја препознале терористите бидејќи најголем дел од оружјето кое го користат доаѓа токму од овој регион, пишува виенскиот дневен весник „Кронен цајтунг“.

Весникот укажува на тоа дека атентаторите во Париз користеа оружје кое потекнува од Балканот, каде моментално според процените, има четири милиони парчиња нерегистрирано вооружување на црниот пазар.Веќе со децении криминалците од сите видови ја користат балканската рута како криминален автопат кон и од Европа. Според Европол повеќе од четири милиони оружја од војните на просторите на поранешна Југославија е во оптег во државите на Балканот.„Релативно е едноставно да се дојде до тоа вооружување. Бандите се специјалзиирале на трговија со оружје. Се шверцува преку истите рути преку кои дрогата стигнува до Русија и Европа“ истакнува неименуван експерт од ОН.Со тоа се повеќе се бришат границите меѓу нормалниот криминал и теророт. „Од Авганистан преку Балканот годишно во ЕУ стигнува хероин во вредност од околу 17 милијарди евра. Добивката од овие работи завршува во џебовите на Ал Каеда“ тврдат експертите.Исто така и финансирањето на радикалните лица во Европа доаѓа преку Балканот.„Парите првенствено доаѓаат до Австрија или Лихтенштајн, каде парите и потоа без проблем може да бидат употребени“ тврди неименуван експерт во изјава за виенскиот дневен весник./крај/тј