Регион
Најмалку 50 мртви во експлозијата на свадба во југоисточна Турција.ВИДЕО
Најмалку 50 лица загинале а други 73 се ранети во експлозијата на курдска свадбена свеченоста ноќта од 20-ти кон 21-ви август во југоисточна Турција, објави во неделата канцеларијата на гувернерот на покраината Газиантеп, истакнувајќи дека нападот најверојатно е чин на ултрарадикалната сунитска организација Исламска држава.
Според неколку различни извори за повеќето агенции, прелиминарните сознанија на истрагата укажуваат дека нападот во Бејбахче во округот Шахинбеј од покраината Газинатеп најверојатно го извела бомбашка самоубиец во моментот кога голема група од курдска свадбена прослава почнала да слави на улиците на градот, што е обичај во јужна Турција, особено во текот на летните месеци.
Турскиот претседател Реџеп Тајип Ердоган го осуди овој напад велејќи дека Исламската држава е „најверојатниот сторител“.
„Оние кои не можат да се помират со она што е Турција и се обидуваат да провоцираат со злоупотреба на чувствителните етнички и конфесионални разлики нема да надвладеат“, порача Ердоган.
„Не постои никаква разлика меѓу PKK (забранетата Работничка партија на Курдистан), која минатиот месец уби 70 припадници на безбедносните сили, FETO (движењето на следбениците на имамот Фетулах Ѓулен кој живее во САД) кого Анкара го обвинува за неуспешниот пуч од 15-ти јули во кој загинаа најмалку 273 цивили) и извршителот на терористичкиот напад во Газиантеп – Daesh“, додаде турскиот претседател употребувајќи го арапскиот акроним за Исламската држава.
Ердоган рече дека целта на нападите како овој во Газиантеп е да се направи раздор меѓу различните етнички групи во Турција, како Арапите, Курдите и Туркмените и тој да се поттикнува по етничка и верска линија.
Премиерот Бинали Јилдирим во писмената изјава истакнува дека „Нашата болка е многу голема. Меѓутоа, секој треба да биде сигурен дека нашето единство ќе ги одбие сите зла, како и надворешните и внатрешните напади“.
Прокурдската Народна демократска партија (HDP), која се фокусира на статусот на Курдите во турската држава, во соопштение изјави дека свадбата која беше цел на нападот била на еден од нејзините локални членови и оти меѓу жртвите има жени и деца.
Претставникот на владејачката Партија на правдата и развојот (AKP), Шамил Тајар, исто така, претходно во саботата ноќта изјави дека првичните сознанија укажуваат дека нападот е најверојатно чин на Исламската држава.
Во октомври 2015 година, бомбаши самоубијци на Исламската држава убија најмалку 105 лица, вклучително и многу членови на HDP, на Републиканската народна партија (CHP), на левичарски и прокурдски движења, напаѓајќи го масовниот мировен митинг на главната железничка станица во Анкара, што е најсмртоносниот терористички чин изведен на турска територија во историјата.
На нападот во Газиантеп му претходеше седмица на повторно разгорување на судрите во југоисточните и источните турски покраини, во кои герилците на PKK убија најмалку 12 лица во одделни напади, главни полицајци и војници./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.