Регион
Неуспешна средба на албанските лидери околу реформите во земјата
Албанските политички лидери не успеаја да се договорат околу реформите во сферата на правниот систем што итно ги бараат ЕУ и САД за стабилизирање на состојбата во Албанија.
Премиерот и лидер на левицата Еди Рама го обвини својот противник, лидерот на десницата и претседател на Демократската партија, Лулзим Баша, дека на средбата опозицијата дошла со цел да не се договори.
Од друга страна Баша нагласи опозицијата дека не побарала ништо повеќе од она што е побарано од Венецијанската комисија. Средбата се одржа под силен притисок на меѓународната заедница, наведува албанскиот печат кој оценува дека без реформи во правниот систем Албанија нема да оди ниту чекор напред во напорите за интеграција во ЕУ.
Судскиот систем во Албанија е основа за проблемите кои се јавуваат во земјата бидејќи тој е корумпиран, оценуваат во своите анализи странските дипломати во Тирана. Според нив, неопходни се големи чекори ако земјата сака да оди напред.
Ако не се усогласат ставовите на социјалистите кои се на власт и демократите кои се во опозиција тогаш во Албанија се можни нови тензии и протести, оценуваат домашните аналитичари./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Фото) Турски пилот загина во Хрватска: тој преживеа пад на авион пред 2,5 месеци
Авионот „Ер Трактор АТ-802“ се урна во близина на Сењ, додека беше на повратен лет помеѓу Риека и Загреб, соопшти Дирекцијата за цивилна заштита.
45-годишниот пилот, Хасан Бахар, почина. Тој е истиот пилот кој го преживеа падот на противпожарниот авион во округот Јатаган во Мугла, северозападна Турција, на 29 август оваа година.
Пријавата за исчезнување на авионот од радарот од Хрватската контрола на воздушната пловидба била регистрирана во 16:53 часот, а во 17:11 часот била примена пријава за падот и пожарот.
Спасувачите многу брзо пристигнале на местото на падот. Пожарот бил локализиран околу 18:00 часот, а пожарникарите го забележале јагленисаното тело на пилотот.
Објавен идентитетот на загинатиот пилот
Турските медиуми објавија дека 45-годишниот пилот Хасан Бахар загинал во падот на авионот „Ер Трактор АТ-802“ во близина на Сењ.

Бахар го преживеа падот на противпожарниот авион во округот Јатаган во Мугла, северозападна Турција, на 29 август. Тој се здобил со повреди и бил однесен во болница, каде што го посетил гувернерот на Мугла, Идрис Акбијик.

фото: принтскрин
Регион
Возач на автобус избоден, полицијата го бара сторителот: тежок напад во Љубљана
Во центарот на Љубљана, се случи напад во кој возач на градски автобус е тешко повреден со остар предмет. Напаѓачот избегал од местото на настанот пеш, а полицијата интензивно го бара, пишува 24ur.com.
Нападнатиот возач е итно пренесен во Клиничкиот центар во Љубљана. Според неофицијални информации, како што пишуваат локални медиуми, тој се здобил со тешки повреди, наводно во главата, но неговиот живот не е во опасност.
Љубљанската полиција започна обемна потрага по сторителот. Како што потврди Полициската управа во Љубљана, сите расположиви полицајци и криминалистички истражители се на местото на настанот, а над поширокото градско подрачје лета и хеликоптер.
Полицијата објави и опис на осомничениот. Станува збор за маж на возраст меѓу 35 и 50 години, висок од 180 до 190 сантиметри, со светла коса и светла брада. Во моментот на нападот, носел црвена јакна, но полицијата предупредува дека постои можност во меѓувреме да се пресоблекол.
Бидејќи станува збор за опасна личност, полицијата издаде важно предупредување до граѓаните да не ѝ му приближуваат доколку го видат, туку веднаш да ја повикаат полицијата.
Фото: принтскрин
Регион
Турски авион „ертрактор“ се урна во Хрватска: пронајдено е телото на пилотот
Авион ертрактор се урна во Хрватска. Телото на пилотот е пронајдено на местото на несреќата, објавува „Јутарњи лист“.
Авионот што се урна бил турски „Ертрактор“, тип АТ 802. Според изворите, во рок од 24 часа е лоцирано местото каде што се урна авионот.
Според „Јутарњи“, околу 18:00 часот спасувачките екипи се упатиле кон местото на несреќата и го пронашле авионот во пламен.
Како што пренесува овој портал, два турски „Ертрактор“ летале од правец на Риека кон Загреб, но се свртеле поради маглата. Едниот слетал на аеродромот на островот Крк, а другиот исчезнал околу 17:10 часот.
„Денес, на 13 ноември 2025 година, во 16:53 часот, оперативниот центар за цивилна заштита доби информација од хрватската контрола на летање за исчезнување од радарот на турскиот авион „Ер Трактор АТ-802“, кој беше на повратен лет Риека-Загреб-Риека, и започна операција за пребарување и спасување на авионот.“
„После тоа, во 17:11 часот, Окружниот центар 112 Госпиќ доби пријава за пад на авион во пламен и веднаш ги извести службите за итни случаи, а полицијата, пожарникарите, службите за итна медицинска помош и координаторот на местото беа испратени на терен“, објави раководителот на Регионалната канцеларија за цивилна заштита Госпиќ.
Фото: принтскрин

