Регион
Николиќ: Белград во преговорите со Приштина е близу своите „црвени линии“
![](https://makfax.com.mk/wp-content/uploads/2016/11/nikolic20nova-6.jpg)
Српскиот претседател Томислав Николиќ порачал дека Белград во преговорите со Приштина се ближи до „црвените линии кои не смее да ги помине доколку ја почитува својата држава и Устав“, пренесуваат српските медиуми. Николиќ додал дека српската влада ќе има негова целосна поддршка доколку го отфрли новите услови кои приштинските власти ги поставија за продолжување на дијалогот.
Коментирајќи ги барањата на шефицата на преговарачкиот тим на Приштина, Едита Тахири, меѓу кои и барањата за признавање на Косово како држава, Николиќ за Вечерње новости рекол дека „во привремените институции во Приштина погрешно го процениле времето“ за поставување на услови без кои не се може понатаму во преговорите за нормализација на односи.
„И самата ЕУ се воздржува од поставување на услови кои би значеле и прифаќање на независноста на јужната српска покраина“, рекол Николиќ.
Српските медиуми пренесуваат дека Приштина од Белград бара „воспоставување на граница помеѓу државите Косово и Србија, почитување на добрососедските односи, соработка на полињата од интерес за двете држави, како и воена отштета“, додека од ЕУ се бара „услов дека членството на Србија во Унијата ќе биде зависно од признавањето на државата Косово“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Топлотен бран на Балканот, во Албанија и Србија температурата надминува 40 степени
![](https://makfax.com.mk/wp-content/uploads/2024/07/toplo-vreme.jpg)
Нов топлотен бран го зафати Балканот во понеделникот, три недели откако претходниот бран предизвика прекин на електричната мрежа во неколку земји во регионот.
Во Албанија, каде што температурите надминуваат 40 Целзиусови степени, владата утринава предупреди дека „намерно или случајно предизвикување пожар“ се казнува со 15 години затвор.
Во Србија хидрометеоролошкиот институт РХМЗ денеска предупреди на силен топлотен бран прогнозирајќи дека ќе трае цела недела со температури до 40 степени и тропски ноќи во градските средини. Институтот прогласи портокалова тревога за добар дел од земјата.
Во Косово горештините се придружени со ветер и песок, а на граѓаните им се препорачува да не излегуваат на сонце.
„УВ-индексот ќе биде многу висок“, предупредија властите апелирајќи до возачите да бидат внимателни.
За време на претходниот топлотен бран, на 21 јуни, електричната мрежа се расипа во Црна Гора, Босна и Херцеговина, Хрватска и Албанија.
Регион
Хрватска повлекува морска сол од пазарот поради присуството на пластика
![](https://makfax.com.mk/wp-content/uploads/2024/07/Screenshot-2024-07-08-130327.jpg)
Државниот инспекторат на Хрватска ја повлече од пазарот јодираната морска сол произведена од Котањ поради идентификувани пластични честички настанати при мелењето сол.
Како што е наведено на веб-страницата на Хрватската агенција за земјоделство и храна, производот не е во согласност со Регулативата 178/2002 за воспоставување на општите принципи и услови на законот за храна, формирање на Европската агенција за безбедност на храна и воспоставување процедури во областа на безбедноста на храната.
Станува збор за морска сол од 92 грама, со рок на употреба до 4 јуни 2026 година, 4 јули 2026 година, 9 септември 2026 година, 17 октомври 2026 година и 18 декември 2026 година, објавено е на веб-страницата „Котањи“, пренесува „Н1“.
Регион
Две тела пронајдени во запален стан во Нови Сад
![](https://makfax.com.mk/wp-content/uploads/2024/07/fgdg.jpg)
Телата на двајца неидентификувани мажи се пронајдени во запален стан во Нови Сад, на улицата Лаза Телечко, потврди за „Танјуг“, Зоран Круљ, портпарол на новосадската итна помош.
Пожарникарите го примиле повикот во 9.10 часот и на терен излегле три возила, а пожарот набргу бил локализиран.
Сè уште не е познато дали мажите се задушиле од чадот или смртта настапила пред пожарот што избувнал на потпокривот на зградата, а неговата причина сè уште не е утврдена.