Регион
Од српски воен магацин исчезна оружје

Српскиот министер за одбрана нареди вонредна контрола на сите магацини за лично вооружување и опрема откако во текот на редовна контрола на состојбата на вооружувањето и муницијата во гарнизон во Белград е утврдено дека недостасува одредено количество оружје, соопшти во четвртокот министерството за одбрана.
Веднаш штом било утврдено дека недостасуваат 70 пиштоли од марката „ЦЗ-99“, пет автоматски пушки „М-70 АБ2“ и два сандака со муниција со калибар 7,62 и 9 милиметри, министерот за одбрана на Србија, Зоран Ѓорѓевиќ наредил вонредна контрола на сите складишта за лично вооружување и опрема, се наведува во соопштението на министерството.
Министерот Ѓорѓевиќ и началникот на Генералштабот на Војската на Србија, генералот Љубиша Диковиќ, формирале комисија чијашто задача е да ги утврди причините и околностите за исчезнувањето на оружјето.
Во истрагата, се додава во соопштението, се вклучени и воено безбедносната агенција ВБА и воената полиција, како и државното обвинителство,а за наодите се обврзани да ја известат јавноста.
Истовремено се преземени мерки во планот за опремување за следната 2017 година да се предвидат значителни финансиски средства за набавка на опрема којашто ќе овозможи засилен видео надзор на воените магацини, а поради поефикасна контрола новиот систем за надзор ќе биде поврзан со веќе постојниот централен систем за електронски надзор, се наведува уште во соопштението на српското министерство за одбрана објавено на неговата интернет страница./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.