Регион
Одбележување на втората годишнина од протестите на Гези
Повеќе од илјада луѓе излегоа во неделата на улиците во турската престолнина Истанбул одбележувајќи ја втората годишнина од протестите кои започнаа како еколошки во паркот Гези, и прераснаа во демонстрации ширум Турција против тогашниот премиер а сегашен претседател Реџеп Тајип Ердоган.
Антивладините демонстранти во неделата се собраа во главата истанбулска трговска улица Истиклал, меѓутоа полицијата ги спречи да дојдат до историскиот плоштад Таксим, кој стана симбол на протестите во 2013 година. Уште во саботата беа објавени правците во Истанбул кои ќе бидат затворени за движење во неделата. Меѓутоа, сепак, една група од 250 лица успеале да се пробијат во Истиклал во знак на сеќавање на жртвите за време на протестите, како резултат на полициската бруталност, пренесуваат тамошните медиуми.
Во медиумските извештаи се одбележува дека меѓу демонстрантите биле и челниците на опозициската Републиканската народна партија (CHP), меѓу кои и потпретседателот Сезгин Танрикулу, кандидатот за парламентарните избори на 7-ми јуни од оваа партија за Истанбул, како и Умут Оран, челникот на Партијата на слободата и солидарноста (ODP), Алпер Таш.
На протестот присуствуваше и Ѓулсум Елван мајката на 14-годишниот Беркин Елван кој почина на 14-ти март 2014 година, по 269 денови минати во кома, откако беше погоден во главата од патрон со созлавец испукан од полицијата. Елван го критикуваше политиките и однесувањето на претседателот Ердоган, кои според неа предизвикале нејзиниот син да настрада, кога одел да купува леб во близина на местото на полициската интервенција против демонстрантите.
Демонстрациите ги организираше „Солидарност на Таксим“, главната организација на невладини здруженијата коишто се критични кон власта на Ердоган. Со нив се одбележува втората годишнината од растурањето на еколошките активисти кои седејќи на земјата протестираа против сечење дрва во паркот Гези, пред плоштадот Таксим, каде што е планирано градење џамија, опера и станбено-деловен комплекс.
Во мугрите на 31-ви мај 2013 година полицијата насилно одвлече стотина еколошки активисти кои се противеа на уривањето на паркот. Репресивното однесување на полицијата придонесе за зајакнување на движењето и тоа да прерасне до најмасовен дотогаш политики протест против авторитарното владеење на исламско-кознервативниот премиер Ердоган кој во август 2013 година стана претседател на Турција.
Околу 3,5 милиони Турци, според официјални податоци на турската полиција, дефилираа тогаш во првите три седмици од јуни против Ердоган ширум Турција. Полицијата остро реагираше против демонстрантите кои ги обвини за насилства, и притоа загинаа најмалку осум лица, а повеќе од 8.000 беа повредени. Западните партнери на Анкара тогаш го осудија жестоката интервенција на полицијата.
Самиот Ердоган во повеќе наврати ги осуди демонстрантите нарекувајќи ги „терористи“, кои сакаат да ја ослабат државата и предупреди дека владата нема да се расправа со улични бунтови./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.