Регион
Одбиеното барањето Шешељ да се врати во Хаг

Судскиот совет на Хашкиот трибунал го отфрли во вторникот како неприфатливо барањето на Обвинителството за укинување на привремената слобода на Вослав Шешељ, како и дека неговите изјави не претставувале закана по сведоците.
Во образложението се наведува дека Обвинителството во пропишаниот рок не поднело жалба на одлуката за пуштање на Шешељ на привремена слобода, туку се обидело да ја оспори одлуката со барање за нејзино повторно разгледување.
Советот наведе и дека барањето за повторно разгледување треба да содржи нови докази или да укаже на очигледни грешки во констатациите на Судскиот совет, што изостана во барањето на Обвинителството.
Што се однесува до наводната повреда на условите за пуштање на привремена слобода, Советот заклучи дека Шешељ не повредил ниту еден од условите, оценувајќи дека неговите изјави не претставуваат закана за сведоците.
Во врска со обвинувањата изнесени од Шешељ на сметка на Обвиниелството, Советот оцени дека не е надлежен за истите, како и дека однесувањето на обвинетиот не претставува повреда на интегритетот на судската постапка. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.