Регион
Осомничениот Алжирец баран во Белгија пред судот во Атина

Триесет итригодишниот Алжирец ќе биде изведен подоцна во понеделникот пред обвинителот на Грција поради можноста за негова поврзаност со неуспешниот терористички заговор за напади врз полицијата во Белгија, соопштија функционери.
Во понеделникот беше дефинитивно соопштено дека грчката полиција уапсила шест лица во саботата попладне во главниот град Атина, два дена откако полицијата во Белгија изврши рации во источниот град Вервиерс кога уапси најмалку 12 лица осомничени за подготвување терористички напади на територијата на Белгија, двајца беа убиени и еден ранет.
Операцијата на белгиската полиција следеше една седмица откако исламистички напаѓачи од 7-ми до 9-ти јануари во француската престолнина Париз убија вкупно 17 луѓе.
Белгиското државно обвинителство соопшти претходно во неделата дека еден од осомничените лица уапсени во Атина „би можел да биде поврзан“ со џихадистичката ќелија разоткриена минатата седмица во Белгија и побара негова екстрадиција.
„Уапсениот маж ќе се појави денеска пред обвинителот, по барањето за негова екстрадиција во Белгија“, соопшти во понеделникот грчката полиција./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучевиќ: Време е оние што повикуваат на насилство да одговораaт

Претседателот на Српската напредна партија и советник на претседателот, Милош Вучевиќ, денес изјави дека верува оти Обвинителството ќе си ја заврши работата и дека оние што јавно се залагаат и промовираат насилство ќе бидат повикани на одговорност. „Пет до дванаесет е, а можеби и дванаесет и пет за оние што повикуваат на насилство да одговорат“, рече Вучевиќ за „Танјуг“.
Тој исто така оцени дека протестите пред семејните домови се чист фашизам. „Она што го гледаме сега, дека одат по куќи, станови, ги напаѓаат нашите семејства и соседи, сè најлошо и најодвратно, покажува немоќ и отсуство на каква било политичка смисла. Тие покажуваат кукавичлак, безгрижност“, рече Вучевиќ.
Според него, последниот чин од оваа претстава сè уште треба да се одигра. „Тие беа трипати пред мојот стан, ние веќе сме навикнати на таква ситуација, колку и да е непријатна. И тие само ни даваат уште поголема сила да се бориме против нивните политики, а не да молчиме. Како што видовте, никој не се повлече ниту се засолни“, рече тој. ж
Оние што го организираат тоа, изјави, се вистинските цели на оние пред чии станови протестираат.
„Тие нè прават вистински цели, ако сме убијци и криминалци, тие се одговорни ако нешто им се случи на нашите семејства. Сакам она што им се случува на нашите семејства никогаш да не им се случи ним. Првото нешто што би го направил е да ги заштитам нивните семејства ако нешто се случи.
Се боревме против фашизмот во Втората светска војна, ќе се бориме и сега“, рече Вучевиќ, според „Танјуг“.
Регион
Трагедија во Грција: бебе се задави со сувлаки – итно било префрлено во болница, но немало начин да се спаси

Трагедијата се случи синоќа во Ираклион, Крит, кога 20-месечно девојче се задави додека јадеше сувлаки.
Девојчето зело парче месо додека семејството вечерало. Детето се задавило и веднаш било однесено во болницата „Венизелио“.
Според информациите доставени до Cretalive од директорот на болницата, лекарите успеале да извадат парче сувлаки од неговите дишни патишта и вршеле кардиопулмонална реанимација повеќе од еден час, но не можеле да го одржат во живот, објавува „Прототема“.
Во истиот град во средата попладне се удави 11-годишно дете. Пливачите се обидуваа да му помогнат сè додека не пристигна брзата помош. Малото дете беше однесено во болница, но и покрај напорите на лекарите, почина.
Фото: принтскрин
Регион
Земјотрес ја погоди Лефкада: „Многу се тресеше“

Земјотрес со јачина од 3,1 степени според Рихтеровата скала е регистриран денеска, 25 јули 2025 година, во 7:31 часот наутро во Грција.
Според достапните податоци, епицентарот на земјотресот се наоѓал во близина на Лефкада.
„Столот се тресеше многу“, „Беше краток, но силен“, се само дел од коментарите на луѓето кои го почувствувале земјотресот.
Досега нема извештаи за материјална штета или повредени, а надлежните служби ја следат ситуацијата.