Регион
Паскали: Балканот не смее да се плаши од империјата која колабира
Моментот е опасен, но опасен е затоа што сме на работ на историски пробив, на надоаѓањето на нов, поправеден систем на меѓународни односи и економски напредок. Оваа е особено точно на Балканот, вели американскиот аналитичар Умберто Паскали во разговорот со новинарот Слободан Томиќ.
СветПаскали: Балканот не смее да се плаши од империјата која колабираСкопје, 15.01.2015 (Макфакс) –
Новинарот Томиќ, емисијата „Гласот на народот со…“ на ТВ Сонце изминатиот викенд го започна интервјуто со Паскали, со актуелните настани во Франција, каде што се случи драма без преседан. „Ни пристигаа противречни информации, се создаде забуна, напаѓачите биле на листите на безбедносните служби со години. Што се случува“, беше прашањето упатено до реномираниот американски аналитичар. „Секако, не постои сомнеж дека ние сме среде терористичка операција. Една вистинска терористичка операција има два аспекта. Првиот е самиот чин, при што повеќе луѓе се убиени. Но вториот – и многу поважен – е способноста да се тероризира целното население. Терористичкиот чин е тактика, некои би ја нарекле воена тактика, која цели кон многу поголема група од таа на непосредните жртви. Вистинската цел е населението. Да се тероризира населението и да се уценуваат властите на државата. Пораката до власта е: вие не сте способни да ги заштитите сопствените граѓани, ние преземаме; сега вие ќе мора да ги прифатите нашите услови“, рече Паскали
Додаде притоа дека „Терористички чин кој не доспева и не влијае врз пошироката јавност не ја постигнал својата цел. Целта е сите да се тероризираат, ние да бидеме тероризирани. Секој мора да биде свесен за ова, да ја задржи смиреноста и да разбере што навистина се случува и кој кому што прави. Секако, постои и елементот на нејасност, на страв: ’Како ни се случи ова? Како можеше тоа да се случи во центарот на Париз, врз очигледна мета и од луѓе кои им биле познати на француските, британските, американските безбедносни и разузнавачки служби? Што е следното?’… Во воените прирачници ова се нарекува „магла на војната“, а способноста да се предизвика масовна хистерија или парализирачка реакција кај противникот е огромна предност.
Велите дека целта е „да се тероризира населението и да се уценуваат властите“. Што сакаат да постигнат со тоа?Паскали: Ова е прашање на кое мора веднаш да се одговори. Франција има големо муслиманско население, беше вклучена во нападите врз арапски земји и области. Во текот на претседателствувањето на Никола Саркози земјата наметна цврста политика на внатрешна репресија, особено во перифериите на француските градови, претежно населени со Арапи. Мерките против фереџето, итн. А сепак не се случи ништо што би можело да се спореди со ова. ИСИС или ИСИЛ, терористичката „чадор“ организација создадена од луѓе кои се обучени и финансирани од западните разузнавачи за да ја уништат Сирија и да ги опустошат Либија, Ирак, Јемен и така натаму – оваа фантомска ИСИС никогаш не ја нападна Франција или Европа. Исто така мора да се земе предвид дека напаѓачите на Шарли Ебдо беа добро обучени, со воен тренинг. Имаа внатрешни информации. Беа облечени во униформи на специјални сили, не како самоубиствените одреди на фундаменталистите. Беа маскирани, спротивно на она што би го сториле фундаменталистите. Зборуваа течно француски. Не го уништија „сквернавечкиот материјал“, што наводно им била целта – повторно, модус операнди којшто го наметнува ИСИС. И покрај очигледната воена обука, тие се однесуваа како според однапред подготвено сценарио. Се движеа полека, премногу полека, како да сакаа да бидат видени и снимени.
Зошто?Паскали: Треба да се запрашате: што стори Франција за да предизвика ваква „казна“? Тоа не е мала тактичка работа. Најголемата промена која Франција ја направи во својата стратегија е изјавата на претседателот Оланд за потребата да им се стави крај на санкциите врз Русија, за да започне нова ера на соработка помеѓу Европа и Русија, На 4-ти јануари, три дена пред масакрот, тој даде интервју без преседан за радиото „Франс Интер“, кое траеше два часа, насловено: „Санкциите мора веднаш да сопрат!“ Тој рече: „Ако е Русија во криза, тоа не мора да биде добро за Европа. Јас не сум за политиката на постигнување на целта преку влошување на нештата, мислам дека санкциите мора да сопрат веднаш… Г-дин Путин не сака да ја анектира источна Украина. Тој ми го кажа тоа. Тој само сака да остане влијателен и Украина да не влезе во кампот на НАТО.“За неколку дена ќе се одржи средба која треба да стави крај на украинската криза спонзорирана од англо-американците, да стави крај на вештачката поделба помеѓу Русија и Европа: самитот во Казахстан на 15 јануари (состанокот во меѓувреме беше одложен на неопределено време, заб.ред.), каде што украинскиот престедател Петро Порошенко ќе се сретне со Путин, со Оланд и со германската канцеларка Ангела Меркел. Оланд беше многу голем оптимист дека ќе се постигне договор: „Јас ќе одам во Астана само под еден услов, а тоа е да постои реална можност да се направи нов напредок… И мислам дека ќе има напредок!“
Франција и Оланд лично преземаа иницијатива да организираат помирување меѓу Европа и Русија…Паскали: Токму така. И не треба да истакнувам колку клучна, колку суштествена е француската иницијатива. Оланд веќе го покажа правецот во кој ќе оди на ненајавената средба лице в лице со Путин на московскиот аеродром минатиот декември, кога се враќаше од посета на Казахстан. Оланд, кој се чинеше дека е еден од најблиските сојузници на либералната империјалистичка политика на Обама/Бжежински, мораше радикално да се смени. Неговата партија стана речиси нерелевантна. Неговииот кредибилитет падна на 12 отсто додека Французите се втурнаа кон каква и да било алетрнатива која најнакрај ќе ги осуди на мизерија и војни, особено кон Националниот фронт на Ле Пен, којшто отвортено го величи Путин. Украинската криза и државниот удар во Киев, спонзориран од САД, обидот да се воспостави база на НАТО на Крим, жестокиот притисок врз европските лидери да одат наспроти нивните лични и економските ионтереси на нивните народи со цел да се создаде ескалација која ќе доведе до вистинска војна со Русија, целиот овој налудничав план беше поткопан со одлуката на Франција. А во финансиските центри на Вол Стрит и во Лондон Сити, на оваа стратегија на војна се гледа како на ништо помалку, туку последна опција за преживување. Последна опција на тој арамиски систем. Така… три дена подоцна Франција беше нападната и соочена со сценарио на граѓанска војна. …
Што ќе се случи сега?Паскали: Сега имаме војна која се води на тлото на Франција. Елементот на конфузија и хистерија е најбитната компонента на оваа стратегија. Но, во смисла на длабочина не е сторено многу. Фундаменталните интереси на Франција, на Европа нема да се сменат. Појкрај мизерија и војна, дестабилизирачите нема што друго да понудат. Затоа сум убеден дека „блицкригот“ овој пат нема да им успее. Ова, секако, зависи и од тоа што ќе стори остатокот од Европа, што ќе стори Италија и, особено, Германија. Штом Феранција ќе зеземе став, јасно е дека рационалните сили во Германија, она што јас го нарекувам „партија на Алфред Херхаузен“, ќе станат многу попроминентни, започнувајќи со заменик-канцеларот и Министер за економија Зигмар Габриел. Тој на 4-ти јануари за „Билдам Зонтаг“ изјави: „Оние кои сакаат уште повеќе економски и политички да ја дестабилизираат Русија застапуваат многу поинакви интереси од нашите. Некои во Европа и во САД сакаат да ја столчат Русија, но тоа не е во интерес на Германија и на Европа. Ние сакаме да помогнеме да се реши конфликтот во Украина, не да ја фрлиме Русија на колена. Целта никогаш не беше да се турне Русија во политички и економски хаос. Оние што го посакуваат тоа ќе испровоцираат многу поопасна ситуација за сите нас во Европа.“ Обраќајќи им се на оние кои сакаат да ја турнат Германија во војна со Русија, Габриел ги потсети дека Русија е нуклеарна сила…
Како, во овој контекст, ја гледате состојбата на Балканот и во Македонија? Што сето ова значи за Македонија?Паскали: Како прво, лидерите на владите мора да имаат на ум дека целта на овој терористички – или неортодоксен начин на војување – е да плаши и парализира. Да ги спречи одговорните луѓе да ги донесат правилните одлуки за своите народи. Тие исто така мора да разберат дека овој напад не е показатаел на нечија моќ. Тоа е показател на очај и слабост. Тие сега и се заканија на цела Европа, но најверојатно Европа е веќе изгубена за нив – или подобро кажано, веќе е на пат кон нова независност. Вие во Македонија сте среќни што имате државник како Никола Груевски, кој има стратешки ум, морална храброст и е способен да ја трансформира објективната слабост на Македонија во субјективна сила… тој е способен да имплементира Деголистичка политика, 360 степени – tous azimuts. Ова на Македоија и донесе улога многу поголема од перципираната големина на земјата. Македонија сега е дел од големата регионална игра на Балканот и пошироко. Всушност, моментот е опасен, но опасен е затоа што сме на работ на историски пробив, на надоаѓањето на нов, поправеден систем на меѓународни односи и економски напредок. Оваа е особено точно на Балканот.
Зошто на Балканот?Паскали: Затоа што оваа област веќе де факто освои забележетилен обем на независност. Тука всушност се реверзира столетниот процес на поробување, дизајниран од британската имерија: балканизацијата. Овој одвратен збор, балканизација, значи раслојување на секоја држава во се помали и помали ентитети со кои лесно се манипулира и кои се неспособни самите да се одбранат. Тоа е најекстремната варијанта на тактиката „подели и владеј“. Погледнете го Балканот, што му сторија. Ја имате Турција, која е во судир со Грција која, пак, е во судир со Македонија, која е натаму во судир со Албанија. Хрватска против Србија, Босна поделена. Косово трансформирано во „зона франка“ на НАТО… Бугарија, Романија… Турција, од своја страна, мораше да застане против Русија (основна поставка на британската колонијална геополитика), во војната со Сирија, итн.А сега почнува да се гледа спротивното. Населенијата кои беа турнати во овој геополитчки експеримент на лудите британски научници, ја поразуваат оваа манипулација, балканизацијата. Турција се разбра со Русија во име на заедничкиот интерес. Унгарија се побуни против големите банки. Грција се поизвесно ќе го избере Алексис Ципрас за премиер, со што ќе се изврти досегашната политика на мизерија и војна. Ова ќе ја смени динамиката и со Турција и со Македонија. Тие што требаше да бидат „држави-заморчиња“ за задоволство на империјалните техники… сега се побунија против лудите научници. Не сакаат да бидат „профилирани“ и турнати една протв друга. Балканот се претвора во област со огромен развој. Кина и Русија (кои и самите го надминаа овој геополитички трик кои им наметнуваше засекогаш да војуваат меѓу себе) создаваат конкретен кооперативен сојуз со балканските држави. Големиот инфраструктурен проект за кој Европа постојано зборува, но никогаш навистина не се ангажира, сега започнува со кинески инвестиции. Река од развој, а со тоа и од мир и помирувања, ќе потече од Турција кон Грција, Македонија, Србија. Брзи, супермодерни транспортни проекти (погледнето го, за пример, возот помеѓу Будимпшешта и Белград) кон Австрија и северна Европа. Гасоводот од Русија кон Турција е пореален од кога и да е…Речиси е разбирлива (не сакам да бидам циничен) убиствената реакција на оние кои се научени да ја владејат, да ја делат и да ја пљакосуваат оваа клучна област за светот. Тие ја губат големата игра.
Но, опасноста од тероризам…?Паскали: Неодамна предложив Грција и Македонија да го замолат Путин да посредува за нивните разлики. Можете само да замислите што ќе се случи ако такви моќни сили како Кина и Русија воспостават блиски односи со балканските држави, во заемна корист. Да поедноставиме, Кина би се погрижила за економскиот аспект. Ако започнат да се решаваат економските и стратешките проблеми, тогаш верувам дека прашањето на тероризмот ќе може да се тави под контрола. Една антитерористичка алијанса со земјите од Евроазија, заедно со економската соработка може да се насочи кон центрите на тероризмот. Може да стави крај на модерната употреба на овој крвав, неортодоксен начин на војување… Македонија е во добра позиција на другите држави да им предложи создавање на една ваква антитерористичка алијанса. Најбитно е да се задржат студени глави. Не се импресионирајте од крвавите огномети на една импроја која колабира. И хируршки прецизно отсечете ги терористичките ограноци…/крај/мф
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Уапсен е и третиот осомничен за нападот врз куќата на Здравко Чолиќ: побегнале со скутер
Третиот осомничен за бомбашкиот напад врз куќата на Здравко Чолиќ, вечерва е уапсен во ефикасна акција на Одделот за криминалистичка полиција, Полициската управа за градот Белград, по наредба на Вишото јавно обвинителство во Белград, пишува „Курир“.
Сомненијата според написите се дека двајцата претходно уапсени, биле директни сторители, додека третиот им набавил експлозивни направи, не само за нападот врз куќата на Здравко Чолиќ, туку и за нападот врз Палилула на 20 ноември 2025 година, пишува „Курир“.
Бомбата експлодирала во просторот помеѓу куќите што му припаѓаат на семејството на жртвата и друго семејство, а осомничените се вратиле назад кон возилото.
Исто така, на 3 февруари 2026 година, тие неовластено носеле една рачна граната, па користеле такси, а потоа стигнале до семејната куќа на Чолиќ каде околу 4:52 часот наутро осомничениот што го барале активирал и фрлил рачна граната во дворот на семејната куќа, додека еден од осомничените се погрижил да не помине никој и снимал со мобилен телефон.
Рачната граната експлодирала, по што осомничените се оддалечиле од местото на настанот, според медиумот.
Регион
Вучиќ: Воениот сојуз на Тирана, Приштина и Загреб го загрозува мирот во регионот
Српскиот претседател Александар Вучиќ изјави во Младеновац дека е сериозно загрижен за воениот сојуз формиран од Тирана, Приштина и Загреб, нагласувајќи дека не станува збор за воено-техничка соработка, туку за сојуз кој има јасен одбранбен, но и потенцијално офанзивен карактер.
Вучиќ изјави дека во случај на класична соработка во областа на набавка на оружје меѓу Хрватска и Албанија, ова не би било проблем, но дека сега станува збор за нешто фундаментално различно.
„Ова не е воено-технички сојуз. Ова не е договор од типот „вие купувате оружје од мене, јас ќе го купам од вас“. Ова е воен сојуз кој е создаден за одбрана или офанзивни дејствија против одредени територии, или одбранбен сојуз кој може да прерасне во офанзивен за еден ден“, нагласи претседателот на Србија, пренесуваат медиумите во регионот.
Тој го постави прашањето за причината за формирање на таков сојуз, посочувајќи дека Тирана и Загреб веќе се членки на НАТО, додека Приштина не е, што, како што истакна, дополнително го комплицира целото прашање.
Вучиќ изјави дека е особено загрижен што Србија има нови информации за плановите на алијансата, вклучувајќи ги и специфичните барања на Приштина за дополнително оружје од Соединетите Американски Држави и Турција.
Според него, Приштина бара одобрение за набавка на американски „хаубици“ од калибар 105 милиметри, како и дополнителни количини противтенковски ракети „копје“, додека во исто време се водат разговори со Турција за други видови воена опрема.
„Имам комплетен список. Тие разговараат за сите можни насоки на напад, одбрана и сè друго. Имаме и значајни разузнавачки информации за тоа“, истакна Вучиќ.
Тој додаде дека е загрижен како претседател, бидејќи тоа е негова должност, но дека граѓаните на Србија немаат причина да се плашат, бидејќи силата на српската армија се зголемува по „геометриска прогресија“. Тој најави и набавка на најсовремена воена опрема, која, како што рече, „една или ниедна земја“ ја има денес во Европа, истакнувајќи дека сè ќе пристигне според забрзани процедури.
„Кај мене нема „ќе биде лесно“. Ќе биде тешко, но ќе им биде уште потешко“, рече Вучиќ.
Претседателот на Србија изјави и дека не е тајна дека Хрватска е вклучена во настаните во Србија, вклучувајќи протести и блокади, и дека за такви заклучоци не се потребни разузнавачки служби.
„Доволно е да се погледне со голо око. На сите им е јасно. Се надеваат дека ќе се вратат некои слуги како што имале од 2000 до 2012 година, но ништо нема да произлезе од тоа“, рече Вучиќ.
Регион
Масовно труење со олово на жителите на град во БиХ
Во општината Вареш во Босна и Херцеговина продолжува сериозната здравствена криза предизвикана од масовно труење со олово. Најновите резултати од тестирањето на повеќе од 100 жители потврдија дека труењето со тешки метали е многу пораспространето отколку што првично се претпоставуваше, пишува N1.
Присуството на олово во крвта овој пат е утврдено не само кај жителите што живеат во близина на депонијата на рудникот ДПМ Метали, во населбите Пржиќи и Даштанско, туку и кај граѓаните од самиот центар на Вареш. Претходните тестови од декември минатата година покажаа присуство на олово во крвта на сите 44 тестирани лица од различни возрасти.
Во меѓувреме, уште девет лица се тестирани приватно, а резултатите само ги потврдија алармантните индикатори. Особено е загрижувачки што олово е пронајдено и во наодите на пет деца под шест години.
Најновите тестови покажуваат дека некои луѓе имаат екстремно високи концентрации на олово во крвта, во некои случаи десетици, па дури и сто пати повисоки од референтните вредности.
„Присуството на олово во крвта е исклучително сложен здравствен проблем бидејќи нема физиолошка потреба од олово во човечкото тело. Современата медицина се залага за ставот дека нема „безбедна“ доза на олово во телото“, велат експертите од Институтот за здравје и безбедност на храната.
Во интервју за локална радио станица, вршителот на должноста градоначалник на општина Вареш, Малик Ризвановиќ, изјави дека, доколку го добие мандатот, здравјето на граѓаните ќе биде негов приоритет. Сепак, информацијата дека непосредно пред објавувањето на новите резултати за труењето, компанијата ДПМ Метали испратила до Владата на Зеничко-добојскиот кантон барање за зголемување на надоместокот за концесија предизвикува загриженост.
„Официјално е дека во петокот ДПМ Метали поднесе иницијатива за зголемување на концесискиот надомест до Министерството за економија на Зеничко-добојскиот кантон. Во наредните месеци ќе има зголемување на концесијата. Она што успеав да го договорам со компанијата е дека, кога ќе се потпише концесијата, таа ќе се плаќа ретроактивно од 1 јануари 2026 година“, рече Ризвановиќ.
Фактот дека самата рударска компанија бара од властите да ја зголемат концесијата што треба да ја плати изгледа неверојатно и покренува сериозни прашања за тоа кој управува со природните ресурси во Зеничко-добојскиот кантон.
„Ако компанијата се обидува да купи социјален мир со овој потег, јасно велиме дека здравјето на граѓаните нема цена и дека е крајно несоодветно да се зборува за концесиски надоместоци во време кога животите на луѓето во Вареш се сериозно загрозени“, истакнуваат жителите на Пржиќ и Даштански.
Властите на Зеничко-добојскиот кантон и Федерацијата БиХ сè уште немаат јасен одговор за ситуацијата во Вареш. Иако условите се исполнети, сè уште не е прогласена вонредна состојба. Исто така, не е познато дали Обвинителството на Зеничко-добојскиот кантон започнало истрага за труењето.
И покрај противењето на локалните заедници и граѓанското општество, надлежните кантонални власти продолжуваат да поддржуваат нови, потенцијално опасни рударски проекти во Вареш, вклучувајќи го и планираното рударство на хром во сливот на реката Криваја.
фото/илустрација/Depositphotos
Независниот полициски синдикат утре организира протестен марш во Битола: За закани за тепање и убивање полицајци се оди во притвор
Независниот полициски синдикат (НСП) утре во Битола организира марш за еднакво спроведување на законите кон сите сторители на кривични дела,...
Магла ја намали видливоста до 60 метри на патниот правец Гевгелија – граничен премин Богородица
Сообраќајот на државните патишта се одвива во зимски услови, по влажни коловози соопшти Авото-Мото Сојузот на Македонија (АМСМ), Намалена видливост...
Најдоцна до јуни реконструкција на владиниот кабинет, Ковачки е нов генерален секретар на партијата, соопшти Мицкоски
Денес заседаваше Централниот комитет на ВМРО-ДПМНЕ, на кој беа донесени важни одлуки за понатамошното јакнење и модернизација на партијата, истакна...
Полицајци, наставничка и пожарникар земале пари од граѓани за да им средат побрзо да извадат лични документи
Двајца полицајци, наставничка и пожарникар се осомничени за примање поткуп и примање награда за противзаконито влијание односно за пари овозможувале граѓаните...
Воени возила и дронови во Охрид и Радожда, од утре обука на специјалците од војската на Белгија
Од 07 до 20 февруари 2026 година, на подрачјето на Охрид и струшкото село Радожда, ќе се реализираат активности за...
Студентите што студираат во странство или се прогласени за најдобри, ќе имаат предност за вработување на државните универзитети
Со поддршка од над 60 професори, засегнати институции и установи, претставници на студентите, стручни лица и експерти, Министерството за образование...
Угостителите во Македонија за една година ги поскапеа цените за 3,4 проценти
Цените на угостителските услуги во јануари 2026 година се зголемени за 0,2 проценти во однос на претходниот месец. Во споредба...
СДСМ: Нема одговор како 5 тони дрога поминале преку граница
Нема одговор како 5 тони дрога поминала преку граница – има вистина дека ВМРО го овозможи бизнисот со канабис, велат...
„Да се забрани производство на марихуана за наводни медицински цели“, бара Демократскиот сојуз
Демократскиот сојуз бара Парламентот на Македонија по скратена постапка да донесе измена на законите со кои ќе се забрани производство...
Лавров: Москва е во таен контакт со некои европски лидери, тие бараат разговорите да останат тајни
Министерот за надворешни работи на Русија, Сергеј Лавров, изјави дека Москва е во таен контакт со некои европски лидери и...
Поднесена кривична пријава против две лица од Битола кои се закануваа дека ќе убиваат полицајци на протестот за возачките дозволи
Независниот полициски синдикат поднесе кривична пријава против две лица од Битола кои се закануваа дека ќе убиваат луѓе на протестот...
Објавени пораки меѓу поранешниот норвешки премиер и Епстин, започната е истрага
Поранешниот норвешки премиер Торбјорн Јагланд е под полициска истрага поради сомнение за сериозна корупција поврзана со неговите врски со покојниот...
Трамп ја претстави TrumpRx: Нова платформа за поевтина набавка на лекови во САД
Американскиот претседател Доналд Трамп во четврток ја претстави TrumpRx.gov, нова онлајн платформа што ќе им овозможи на американските потрошувачи да...
Турција ќе приватизира два клучни моста во Истанбул
Турција ја ангажираше консултантската фирма Ernst & Young LLP да ја води приватизацијата на два клучни моста во Истанбул и...
Аргентина бара од САД да го екстрадира Мадуро
Аргентински судија во среда побара од Соединетите Американски Држави да го екстрадираат поранешниот венецуелски претседател Николас Мадуро, кој беше заробен...
„Старлинк“ е блокиран за Русите, Украина: Бројот на напади веднаш се намали
Руските сили го намалија бројот на напади на фронтот откако Украина и SpaceX постигнаа договор за блокирање на нерегистрираните сателитски...
(Видео) Нов американски напад врз брод за дрога, двајца убиени
Американската војска соопшти дека во четвртокот нападнала друг брод во источниот Тихи Океан, за кој тврди дека превезувал дрога, при...
Владата предложи покачување на платите за администрацијата до 40 отсто, со почетно зголемување од 8 проценти од април
Премиерот Христијан Мицкоски, изјави дека денешната средба со Синдикатот на УПОЗ била конструктивна и дека на маса е предлог за...
Воведување ред во државата, реализација на реформската агенда: Мицкоски порача дека годинава нема да има избори
„Ќе имаме можност да отпочнеме еден циклус на средби, односно брифинзи со претставници на земјите членки на Европската Унија, кои...
(Видео) Филипче: СДСМ има решение за 600 евра плата, помалку луксуз – поголеми плати за работниците
Стандардот на работниците практично е срозен изминатите две години. Соочени сме со ситуација во којашто владата на ВМРО и ЗНАМ...
