Регион
Пес спречи масовно бегство од грчки затвор

Пес спречил бегство на група осуденици од затвор на западниот грчки остров Крф, кога во прошетка со стопанот ги надушкал во тунелот кој штотуку го прокопувале.
Животното се вкочанило на улица среде утринската прошетка, па газдата почнал да ја влече јамката, но сите обиди да се помрдне кучето останале попусти, пишува во саботата агенцијата ANA. Збунетоста на песот кој слушнал бука од долу, го поттикнала стопанот да повика полиција.
Потоа било откриено дека бегалците веќе ископале околу 30 метри од тунелот, почнувајќи од затворското крило Б во кое има 21 осуденик на долгогодишни или доживотни казни. Во тунелот биле откриени батериски светилки и пластични садови со храна, според полицијата.
На Крф во 1996 година повеќе од 120 затвореници побегнаа откако по две седмици копање го обновиле тунелот кој го прокопале Англичани, под чиј протекторат беше овој остров од 1914 до 1964 година, потсетува агенцијата./крај/мф/сн
Извор: ANA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.