Регион
Петнаесет турски војници убиени во заседа
– (AA file photo)
Забранетата Работничка партија на Курдистан (PKK) објави дека во неделата нејзините герилци убиле 15 турски војници во напад врз конвој оклопни возила во југоисточната Турција, што би бил најсмртоносниот напад од обновувањето на судирите во јули годинава, додека официјална Анкара не го потврдува бројот на жртвите, но медиумите јавуваат дека борени авиони дејствуваат на турска територија што се смета за показател за жесток одговор, односно потврда за значителните загуби.
Забранетата Работничка партија на Курдистан (PKK) објави дека во неделата нејзините герилци убиле 15 турски војници во напад врз конвој оклопни возила во југоисточната Турција, што би бил најсмртоносниот напад од обновувањето на судирите во јули годинава, додека официјална Анкара не го потврдува бројот на жртвите, но медиумите јавуваат дека борени авиони дејствуваат на турска територија што се смета за показател за жесток одговор, односно потврда за значителните загуби.
Нема независни потврди за бројот на загинатите турски војници, но во емисијата во живо на приватната телевизија Haber, претседателот Реџеп Тајип Ердоган реагираше на информациите, но не даде податок за бројот на жртвите само потврдувајќи дека нападот се случил во покраината Хакари кон границата со Ирак и Иран.
„Се случи напад. Ќе се води особено одлучна борба. Многу сме тажни. Временските услови не се поволни и борбата се води во такви услови“, рече Ердоган прецизирајќи дека нападот се случил за време на „операција на чистење“ насочена против борците на PKK.
„Ќе усвоиме нова стратегија во борбата против тероризмот. Ќе продолжиме решително“, порача Ердоган.
За сериозноста на ситуација зборува и податокот дека премиерот Ахмет Давутоглу го откажа патувањето во Коња на натпреварот на фудбалската селекција и свика итен состанок на советот за безбедноста во Анкара, забележува државната агенција Anadolu.
Во соопштението објавено на интернет, PKK соопшти дека нејзините герилци од заседа нападнале воен конвој во покраината Јуксекова. „Во нападот извршен од повеќе страни загинаа 15 војници, а во кацијата е запленето поголемо количество оружје“, се додава во соопштението.
Од крајот на јули кога Анкара ја започна операцијата против PKK, според процените на медиумите, убиени се околу сто турски полицајци и војници, и повеќе стотици курдски герилци.
Во непријателствата меѓу турската држава и PKK која бара поголема автономија за курдскиот региони во Турција, и која е на листата терористички организации на ЕУ и САД, во изминатите повеќе од три децении загинаа околу 40 илјади луѓе. Двете страни се обвинуваат за пропаѓањето на договорот за прекин на непријателствата од летото 2013 година./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Непалските работници во Хрватска штрајкуваат поради ниски плати и лоши услови
Неколку часа траеше прекинот на работата во складиштето за овошје на логистичко-дистрибутивниот центар на „Плодине“ кај Кукуљаново, откако непалските работници изразија незадоволство од условите, јави „Индекс“
Синдикатот NSRH информира дека странските работници, најмногу од Непал, реагирале на ниските плати, прекувремената работа и условите. Во објектот работат околу 100 странци и околу 70 домашни работници.
Синдикатот предупреди и на случајот со седуммина непалски работници кои по зачленување во синдикат биле изложени на притисоци и закани со губење на работен и престојувачки статус.
Штрајкот е прекинат откако им било ветено дека во понеделник ќе имаат средба со лице од повисоко раководно ниво.
Регион
Европската комисија повторно бара истрага за можната употреба на звучен топ на протестите во Белград
Европската комисија уште еднаш ги повика српските власти да спроведат брза, транспарентна и веродостојна истрага за наводната употреба на звучен топ за време на антивладиниот протест во Белград на 15 март 2025 година, јави Радио Слободна Европа (РСЕ).
Повикот доаѓа откако европските медиуми повторно го покренаа прашањето, а Политико објави дека српските разузнавачки служби, во соработка со руската ФСБ, тестирале звучни уреди на кучиња во обид да утврдат дали е користено звучно оружје врз демонстрантите.
Во извештајот што српскиот претседател Александар Вучиќ го презентирал, се тврди дека уредите не предизвикале реакции кај животните, па оттука било заклучено дека звучен топ не бил користен на протестот. Руската страна не коментираше за извештајот, пренесе РСЕ.
Во изјавата на Европската комисија се нагласува дека „односите со Русија не можат да продолжат како и досега, особено кога се работи за безбедносни прашања“, и се потсетува дека властите имаат обврска да ги заштитат демонстрантите од повреди и насилство.
Српските власти подоцна признаа дека полицијата поседува звучни уреди, но тврдат дека „никогаш не биле употребени“.
Демонстрантите сведочеле за силни и необични звуци, вибрации и здравствени тегоби по протестот – како вртоглавици, несвестица, покачен притисок и нарушувања на слухот.
Настанот го истражува и Европскиот суд за човекови права.
Фото: ЕПА
Регион
Научник од Ровињ: Сите примероци од Јадранското Море што ги обработив имаа микропластика
Бројот на микропластични честички во Јадранското Море драматично се зголемува, понекогаш надминувајќи половина милион на квадратен километар. Научниците велат дека опасните хемикалии можат да влезат и во синџирот на исхрана преку него, објавува Dnevnik.hr.
Просечната концентрација на микропластика во Јадранското Море е околу 250.000 честички на км². Според мерењата на водите во Ровињ, бројот понекогаш достигнува 600.000.
„Досега, сите примероци што ги обработив имаа микропластика. Нема примерок што го обработив досега, а кој немал микропластика“, рече Виктор Стинга Перуско од Центарот за морски истражувања на IRB во Ровињ.
„Бројот постојано расте бидејќи имаме нов влез, додека се произведува пластика, можеме да бидеме сигурни дека оваа пластика ќе заврши во морето во одреден момент“, додаде тој.
Голем дел од влакната што се невидливи за окото доаѓаат и од домаќинствата. И со секое перење на машината за перење, додаваме уште малку. Влегува во организмите на рибите, а потоа и во нашите тела преку храната.
Влијанието врз здравјето, велат научниците, сè уште не е доволно истражено.
фото/Depositphotos

