Регион
Почина поранешниот командант на војската на Српска краина, Миле Мркшиќ

Поранешниот командант на војската на Српска краина, Миле Мркшиќ почина во неделата во затвор во Португалија, каде се наоѓаше по пресудата на Хашкиот трибуна, објави Радио телевизија Србија.
Неговата ќерка, Марија, во писмо до медиумите претходно наведе дека нејзиниот татко од 22 јули се наоѓа во затворската болница, каде било утврдено дека боледува од карцином на белите дробови.Потпретседателот на владата на Србија, Расим Љаиќ во саботата најави дека на 17 август ќе побара Мркшиќ да биде итно пуштен во Србија на лекување. Мркшиќ е роден во 1947 година во Вргинмост, а како офицер на ЈНА учествувал во битката за Вуковар во 1991 година. После тоа е унапреден во генерал мајор на ЈНА, а во мај 1995 година станал врховен командант на вопјската на Српска краина.Се пензионирал по поразот во август истата година. Во 1995 е обвинет пред Меѓународниот суд за воени злосторства во поранешна Југославија како одговорен за масовно убиство на повеќе од 260 лица во Овчара. Доброволно се предал на Хашкиот трибунал на 15 мај 2002 година истиот ден е префрлен во притвор. Судењето почна во октомври 2005 година, а на 27 септември судскиот совет на Хашкиот трибунал го осуди Мркшиќ на 20 години затвор./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.