Регион
Покрената кривична постапка против Шешељ поради палење на хрватското знаме

Вишото јавно обвинителство на Белград покрена во средата кривична постапка против хашкиот обвинет за воени злосторства и челник на Српската радикална партија (СРС), Воислав Шешељ, откако тој претходно претпладнето го запали хрватското знаме пред белградската Палата на правдата, а самиот Шешељ порача дека таа вест го радува бидејќи покажува дека српскиот премиер и негово долгогодишен сопартиец и близок соработник Александар Вучиќ ја „загубил главата“ и „не знае што прави“.
Во соопштението на Вишото јавно обвинителство на Белград се наведува само дека е покрената кривична постапка „против Воислав Шешељ и други лица“, поради палењето на знамето на Република Хрватска, при што другите учесници во чинот не се наведени. Инаку, во моментот кога челникот на српските радикали го запали хрватското знаме беа присутни десетици членови на неговата партија, други негови приврзаници и новинари, покажуваат телевизиските извештаи.
„Ме израдува веста дека обвинителството покрена кривична пријава. Тоа е уште еден знак дека Александар Вучиќ ја загубил главата, дека не знае што прави. Сето тоа ќе му се удри од главата.“, оцени Шешељ, истакнувајќи дека нестрпливо ја очекува судската постапка.
„Среќен сум што го запалив усташкото хрватско знаме и одвај чекам да започне постапката“, изјави Шешељ за медиумите пред Палатата на правдата, каде што претходно во средата го запали хрватското знаме пред почетокот на судењето на неговиот заменик Немања Шаровиќ, кој е обвинет за палењето на знамињата на САД, Европската унија и Косово на протестите на радикалите во 2012 година.
На прашањето зошто го запалил знамето, Шешељ изјави дека го запалил „знамето на усташката држава“ којашто ја „окупирала Република Српска Краина“ и којашто во Втората светска војна извршила геноцид над Србите, а во 1990-те протерала околу сто илјади Срби од териториите „коишто ги окупираше“.
„Можеби Александар Вучиќ ќе направи гримаси, ќе пушти некоја солза, но на крајот ќе го изврши налогот на својот стопан, странците, Европејците кои го доведоа на власт“, изјави Шешељ цитиран од белградските електронски медиуми. И притоа повтори дека нема доброволно да се врати во притворот од Хаг, откако во вторникот Апелациониот совет ја отповика одлуката за неговото привремено пуштање на слобода поради здравствената состојба, односно боледување од рак./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин