Две ракети истрелани од територијата на Сирија паднале во саботата во близина на меѓународниот аеродром Газиантеп, голем град на југот од Турција, околу 40 километри од сириската граница, но жртви немало, извести агенцијата Dogan.
 

Две ракети истрелани од територијата на Сирија паднале во саботата во близина на меѓународниот аеродром Газиантеп, голем град на југот од Турција, околу 40 километри од сириската граница, но жртви немало, извести агенцијата Dogan.

Еден од проектилите паднал во градината пред зградата за службениците на аеродромот „Огузели“ во Газиантеп, а вториот на празен простор, па нема повредени, наведува агенцијата.

Воени лица и гувернерот на покраината Газиантеп излегле на местото на коешто паднале ракетите.

Многу проектили, коишто според турските власти ги истрелуваат борците на џихадистичката организација Исламска држава годинава паднаа врз пограничниот град Килис. Вкупната бројка загинати во градот во овие ракетирања сега се искачи на 16 жртви, а врз градот од почетоков на годината Исламската држава истрелала повеќе од 40 проектили. Во петокот уште пет лица се ранети во Килис во ракетирање од сириска територија.

Проектилите од сириска територија ретко продираат подлабоко на турската територија. Аеродромот во Газинатеп се наоѓа на четириесетина километри од сириската граница. Засега не е познато дали станува збор за заталкани ракети, истрелани во текот на судирите во северна Сирија, или станува збор за смислен напад врз аеродромот./крај/мф/сн

Извор: Макфакс