Регион
Романија во шок по загинувањето на 27 млади во дискотека
Во големиот пожар кој избувна ноќта кон саботата во еден од најпосетените ноќни клубови во Букурешт загинаа 27 млади луѓе, а повеќе од 180 се повредени, што е едена од најтешките трагедии во романската престолнина.
„Ова е голема трагедија. Ова е најтешката несреќа од овој вид“, изјави романскиот министер за внатрешни работи Габриел Опреа.Во несреќата загинаа 27 млади луѓе, меѓу кои има и малолетници, се наведува со соопштението на романското министерство за внатрешни работи, и се додава дека 162 лица повредени во оваа несреќа се хоспитализирани во повеќе болници во Букурешт. Се стравува дека бројот на жртвите може да биде повисок, биејќи најмалку 25 од повредените се наоѓаат во критична состојба.Во тек е истрага за причините на несреќата којашто се случила по 23 часот по локално време. Во дискотеката „Colectiv“ се собрале неколку стотици млади луѓе, според очевидци меѓу 200 и 400, на концертот на романскиот хардрок бенд Goodbye to Gravity, кој таа вечер го промовирал својот нов албум.Повикувајќи се на очевидци, романските медиуми пишуваат дека во текот на пиротехничкото шоу се случила експлозија по која се запалил столб и дел од таванот, а просторијата ја исполнил густ чад, што предизвикало паника. Многумина кои се обидувале да се пробијат кон излезот, се здобиле со повреди на нозете а поголем рој се затруени од чадот, соопшти министерството за здравство.„Луѓето паѓале во несвест од чадот. Завладеал хаос, луѓето газеле преку другите“, изјави за порталот EVZ, Виктор Јонески, очевидец на несреќата. Според други сведоштва, во текот на несреќата во функција бил само главниот влез на дискотеката, а се наведува и дека сопственикот на клубот немал дозвола за употреба на пиротехнички средства.Романскиот претседател Клаус Иоханис на својата страница на Facebook објави дека е „потресен и тажен поради несреќата“, и изрази „солидарност и сочувство“ со членовите на семејствата на жртвите.Идентификацијата на жртвите е отежната поради тоа што многумина немале кај себе лични исправи. На социјалните мрежи се отворени страници на коишто се повикуваат граѓаните да даруваат крв за повредените./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.