Регион
Саботиран гасовод во Турција, осомничена ПКК

Подметната експлозија која се случи ноќта кон вторникот го оштети гасоводот кој ги поврзува Иран и Турција, во пограничната покраина Агра, на истокот на Турција, соопшти турскиот министер за енергетика Танер Јилдиз.
„Експлозијата предизвика пожар, но успеавме за брзо време да го изгаснеме. Испораката со гас ќе продолжи штом гасоводот биде поправен“, рече Јилдиз.
Турските медиуми експлозијата и ја припишаа на Работничката партија на Курдистан (ПКК),која претходно спроведувала слични саботажи.
ПКК ги зајакна операциите против турските сили за безбедност во последните денови на југоистокот на Турција.
Турскиот премиер Ахмет Давутоглу вети дека турската воена офанзива против ПКК ќе продолжи додека Курдите не го положат оружјето.
Турција во петокот покрена воздушни напади врз упориштата на Исламската држава во Сирија и на ПКК во Ирак. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.