Челниците на земјите членки од процесот Брдо-Бриони, меѓу кои и македонскиот претседател Ѓорге Иванов, кои се собраа во средата на вонредниот самит во хрватската престолнина Загреб, се согласија дека за јакнење на стабилноста и безбедноста во југоисточна Европа неопходно е да продолжи да јакне трансатлантското партнерство меѓу Европската унија и САД, како и да се воведе нова енергија во процесот на проширувањето на ЕУ и во процесот на евроатлантските интеграции, за на крајот Европа да биде „целосна, слободна и во мир“, се наведува во заедничката изјава.

Договорено е дека за постигнувањето на стабилноста и безбедноста и благосостојбата на југоисточна Европа мораме да продолжиме да го јакнеме трансатлантското партнерство на САД и ЕУ, и да внесеме нова енергија во процесот на проширувањето на Унијата за државите кандидатки, како и процесот на трансатлантска интеграција за оние коишто сакаат да стапат во НАТО“, се истакнува во изјавата на претседателите на Македонија, Хрватска, Албанија, Босна и Херцеговина, Црна Гора, Словенија и Србија., кои се сретнаа на вонредниот самит во присуство на претседателот на Европскиот совет Доналд Туск и американскиот потпретседател Џозеф Бајден.

Се додава дека ЕУ и САД „изразија цврста доследност на унапредувањето и поддржувањето на овие европски и евроатлантски интеграциски процеси на членките на процесот Брдо-Бриони, што ќе помогне во остварувањето на нашата заедничка стратешка визија на Европа која е целосна, слободна и во мир“.

Претседателите од регионот на југоисточна Европа, во атмосферата на најновите случувања во светот, разговараа на пленарна седница за безбедносната ситуација на глобално нови и се согласија дека во борбата против глобалните безбедносни предизвици неопходен е континуиран дијалог на оперативно ниво меѓу ЕУ и САД и државите на југоисточна Европа.

„Сегашната драматична мигрантска криза претстава досега незабележан предизвик и од хуманитарен и од безбедносен аспект, и побарува дијалог и одговор за подобро да се заштитат границите на Европска унија, како и значително да се ублажи миграцискиот притисок на државите кои се со него погодени“, оценуваат претседателите од регионот.

Челниците на државите го искористија самитот и заедничко да ја изразат „згрозеноста“ од бруталноста на терористичките напади во Париз, Анкара, Египет Бејрут и Бамако, и повикаа на преземање ефикасни глобални мерки насочени на решавањето на причините за појавата на радикализам, насилен екстремизам и тероризмот. Во справувањето со овие зла, повикаа на поширока меѓународна соработка, како и подобра координација и размена на информации меѓу полициските агенции./крај/мф/сн

Извор: Макфакс