Врховниот суд му ја укина во четврток, пресудата на поранешниот премиер на Хрватска  Иво Санадер, во случајот Фими медија, кој ќе излезе од затвор ако плати кауција од 12,4 милиони куни или нешто повеќе од 1,5 милиони евра, се дознава од Жупанискиот суд, пренесуваат хрватските медиуми.

Врховниот суд донесе таква одлука по тридневно разгледување на жалбата на обвинетиот и на Ускок, во коруптивниот случај за Фими медија, во кој Санадер неправосилно беше осуден на девет години затвор, како и да ги врати незаконски стекнатите 15,27 милиони куни.Пресудата е значајна поради фактот што поранешниот премиер, против кого се покренати пет големи антикорупциски случаи, може да излезе физики на слобода.Санадер, во моментот се наоѓа во притвор исклучиво на основа на пресудата за Фими Медија, и тоа поради законската одредба дека притвор автоматски им се одредува на обинетите кои се осудени на пет или повеќе години затвор, а Санадер за овој случја е осуден на девет години.Ваквата одлука на судот значи дека обвинението за Фими медија не може да остане исто, а еден голем дел од него ќе мора да биде укинат. Секако, ова е добра вест и за неговата партија ХДЗ, која исто така е под обивнение, а може и за останатите обвинети да значи дека паѓа целата пресуда./крај/јл/бб