Регион
Сараево: Убиецот на војниците се самоуби, можен терористички чин
Мажот кој во средата навечер во приградската сараевска населба Рајловац уби двајца припадници на вооружените сили на Босна и Херцеговина извршил самоубиство околу полноќ, потврди министерот за безбедност на БиХ, Драган Мектиќ од Париз кој како и претходно заменикот министер за одбрана Борис Јериниќ изјави дека се чини оти нападот бил терористички чин.
Станува збор за извесен Енес Омерагиќ, кој во изјави за полицијата од очевидци бил опишан како „проблематичен“. Тој претходно ноќта од автомат пукал во една обложувалница во населбата Рајловац во непосредна близина на касарната каде се сместени единците на воената полиција во која двајцата убиени војници биле возачи. Покрај нив, напаѓачот ранил уште еден војник, а потоа пукал врз градски автобус, при што со полесни повреди од парчиња стакло се здобиле уште три лица.Според засега достапните информации во сараевските медиуми, Омерагиќ по нападот побегнал во семејната куќа во населбата Сокоље, каде го лоцирала и опколила полицијата, а тој извршил самоубиство. Засега не се знае дали во моментот кога се застрелал бил сам во домот. Истрагата е во тек и треба да открие кои се мотивите за нападот и дали има терористичка заднина. Особено, што во изјавите на некои очевидци се наведува дека тој бил облечен како вехабит, припадник на радикалната исламистичка група којашто има бројни и верни следбеници во БиХ.Малку претходно, во Сараево се одржуваше вонредна седница на Заедничкиот штаб на ОС на БиХ и челниците на државното министерство за одбрана, по што заменикот министер за одбрана Борис Јериниќ изјави дека се чини дека нападот бил терористички акт. Тој ја заминуваше министерката за одбрана Марина Пендеш која е на службен пат во странство. Вториот заменик министер за одбрана, Емир Суљагиќ го опишува убиството на војниците како „ужасно злосторство“„Сé алудира на тоа дека станува збор за напад врз институција и вооружените сили“, изјави Јериниќ за локалните медиуми.Министерот за безбедност на БиХ, Драган Мектиќ, од Париз за весникот Avaz изјавил дека постојано е известуван за настаните во Сараево. „Знам дека се убиени две лица. Ако се потврди дека станува збор за тероризам, а постои многу извесна веројатност тоа да се случи, тогаш тоа е ситуацијата на тотална небезбедност на граѓаните и мораме брзо и ефикасно да дејствуваме. Мораме да се пресметаме со тоа, бидејќи ќе дојдеме во ситуација тие луѓе да ни го оневозможат нормалното живеење“, рекол Мектиќ.Поради нападот свикана е и координација на претставниците на сите безбедносни служби во БиХ, но министерот за внатрешни работи на БиХ, Аљоша Чимпара и директорот на Управата на полицијата на МВР на Федерацијата БиХ, Драган Лукач тврдат дека полицијата ја контролира ситуацијата, и ги повикаа граѓаните да останат смирени и да не паничат.Убиените војници се идентификувани како 26-годишниот Армин Салкиќ и 34-годишниот Недељко Радиќ, Бошњак и Србин. Двајцата биле возачи во единицата на воената полиција стационирана во касарната во Рајловац./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.